A vida cotiá dos romanos trala conquista

«La Centuria, decuria, legio, scutum…» moitos son os termos con vínculos bélicos que relacionamos cando nos referimos aos romanos, pero moitos mais son, ou foron, outros alleos a ese mundo de guerra e que hoxe moitos de nos descoñecemos ( tabulae, impluvium, actuari, apoditerium…).

Pax romana xurde para darlle pulo ao coñecemento e a familiaridade con todos estes termos, para achegar de verdade a cultura romana e por suposto para axudar a entender a eses «romanos» como un pobo civilizado que ás veces foi eclipsado polo feito de ter un dos maiores potenciais militares da historia. É esta visión a que como Asociación Cultural para a Divulgación e Recreación Histórica máis interesa a Pax Romana.

O seu proxecto vai encamiñado a difundir as tarefas e costu- mes que marcaron e definiron á cidadanía da época, incluíndo as costumes sociais, organización política, crenzas relixiosas, técnicas arquitectónicas e de enxeñería, sistema educativo, monetario, preferencias para o ocio, gastronomía, vestimenta, coidado persoal e da saúde, sen por suposto esquecer ó exercito, un alicerce básico da súa organización e cultura.

O nome da asociación xurde da Pax Romana ou Pax Augusta (27 a.C. / 180 d.C.), como período caracterizado polo desenvolvemento cultural e económico, a paralización dos enfrontamentos bélicos e o entendemento entre os pobos do imperio.

Os obradoiros de Pax Romana, se ben son certamente recentes no tempo, xa teñen entidade propia no Arde Lucus. Entre eles podemos destacar o ActvariI (escribán), que xunto cos seus axudantes representarán aqueles aspectos máis destacados da comunicación escrita durante o apoxeo da cultu- ra romana.

Amósase dende a fabricación do papel (feito de papiro) e o emprego doutros soportes base para a elaboración de textos (cera, madeira, chumbo,..), ata o uso das tintas e as materias primas empregadas na súa elabo- ración, e as ferramentas de escritura como o stylus, as ductus, os calamos. Como non, sen esquecer a presentación dos distintos tipos tipográficos ( capitalis, monumentalis, uncial) e as situacións nas que cada un deles foron empregados xa que cada tipografía tiña un uso en documentos oficiais, contratos privados, acordos políticos, ensinanza… mostrándose documentos facsímiles.

Outro dos obradoiros de Pax Romana é o de acuñación de moedas, cun proceso manual e artesanal. Partindo da idea de que Lucus Augusti foi a ceca na que se acuñou a moeda coñecida como Caetra, incluirase a fundición do metal bruto ata cambiar o seu estado a liquido, e unha vez acadado este primeiro obxectivo seguirá o proceso de obtención do cospel e a súa transformación final na moeda, que cada ano ten un motivo diferente. É de destacar que o público poderá facer a súa propia moeda.

Ademais, hai obradoiros de Pax Romana permiten ao visitante experimentar o peso da armadura do lexionario, e aprender sobre o seu armamento e costumes, coñecer o proceso da elaboración de xabón artesanal, coma unha escusa para saber máis da hixiene romana.

Desenvolven obradoiros para ensinar como era o día a día de Lucus Augusti

O grupo aproveita a Pax Romana para centrarse na vida cotiá ou nas relacións cos pobos conquitados.

FOTO Ó.C. Acuñan moeda romana.