kykNET Weekdae 19:30
VERLEDE KEER
Lieb het Celesté gevra om ’n keuse tussen hom en haar kêrel Thomas te maak, Steve en Elana was op pad Kongo toe om in ’n veldhospitaal te gaan werk, en Tertius wou met Lika vrede maak.
18 – 20 JULIE
Chaos bars om Steve en Elana se kop los in die Kongo, Chanel soek na Steve, en Quinton is ooggetuie van ’n ineenstorting. Liebenberg vermoed daar’s onraad met medisyne wat reeds die vervaldatum oorskry het, en rebelle val die veldhospitaal binne. Elana besef daar’s ’n verbintenis tussen Jax en Odyn, en Jax vrees Steve is in lewensgevaar.
23 – 27 JULIE
Jax moet tot aksie oorgaan om ’n lewe te red, Pippa ontferm haar oor Lexi, en Sara veroorsaak wrywing tussen Tertius en Quinton. Tertius se gedrag maak Lika ongemaklik, Liebenberg en Conrad besef iemand in ongevalle is by die vervalste sertifikate betrokke, en Elana vind iets in die kas. Liebenberg se ondersoek krap ’n hooggeplaaste om, en Conrad probeer Tertius toets. Chanel en Trudie beplan iets vir Naomi en Louis, Jax betrek Ruben by haar planne, en ’n dokter word deur die rebelle aangehou.
30 – 31 JULIE
Liebenberg se teorie veroorsaak spanning tussen hom en Pippa, Conrad moet inligting met Elana deel, en Floyd daag by ongevalle op. Charles raak onrustig oor Jax se doen en late, en Annelize kry snuf in die neus oor Ruben.