Diamante en die onderwêreld
Die dramareeks Vloeksteen begin op kykNET & kie.
Wanneer mense aan diamante dink, dink sommige onwillekeurig aan die liedjie Diamonds Are A Girl’s Best Friend, wat deur Carol Channing in die 1953-fliek Gentlemen Prefer Blondes gesing is. Maar in die spanningsvolle dramareeks Vloeksteen (2012-2015) bring diamante geen geluk vir ’n vrou of man nie – inteendeel bring dit onheil, misdaad en moord!
Die reeks is in 2012 die eerste keer op kykNET uitgesaai, maar vanaf Mei is dit op die splinterkanaal kykNET & kie te sien.
SMOKKELAARS, AGENTE EN HANTEERDERS
Die eerste seisoen bestaan uit 13 episodes en handel oor ’n groep hoogs opgeleide geheime agente en hul hanteerders. Almal is verbonde aan die Suid-Afrikaanse Polisiediens se fiktiewe eenheid vir georganiseerde misdaad met sy basis op ’n fiktiewe kusdorp. Die georganiseerde misdaad in die verhaal is onwettige diamanthandel. Die reeks is in 2011 in die Wes-Kaap geskiet in die omgewing van Alexanderbaai en die Strand. Ludwig (Lud) Oberholzer, ’n boer van Ficksburg wat in 2009 aan die realiteitsreeks Boer Soek ’n Vrou (2007-nou) deelgeneem het, het die saadjie vir Vloeksteen geplant. As ’n voormalige diepdekkingsagent (“undercover cop”) het Lud ’n magdom stories oor die onderwêreld gehad, waarvan hy vir die skrywer Hein Eksteen vertel het. Hein het die inligting tot die reeks verwerk.
WELKOM ONDERGRONDS . . .
Die onwettige diamanthandel is ’n fassinerende en vreemde wêreld, meen die reeks se regisseur, Regardt van den Bergh.
“Dit was vir my ’n groot uitdaging om kykers by die misterie van die realiteit in te trek sodat hulle aanhou kyk.”
Met sy gesoute regisseursoog het Regardt presies geweet hoe om die regte prentjie te skep. Hy het op 24-jarige ouderdom, met die vervaardiging van Vyfster in die 1980’s, geleer om realiteite te skep wat nie noodwendig op papier vasgelê is nie, vertel Regardt. Vyfster het hoofsaaklik in die tronk afgespeel, toe min mense destyds geweet het wat agter hoë gevangenismure gebeur.
“Nog ’n groot uitdaging van Vloeksteen was om twee tonele gelyk te skiet. Die een toneel is waar die hanteerders na die diepdekkingsagente se transaksies kyk terwyl die tweede toneel die transaksies op die skerm wys.
“Die kyker word soos ’n koekeloerder wat saam met die hanteerders na die onderhandelings tussen die diamanthandelaars en agente kyk.”
AKTEURS ONTHOU
Neels van Jaarsveld sê sy rol as die polisieman Lud Swart, wat in die eerste seisoen die diepdekkingsagent Donny Basson word, was een van sy gunstelingrolle.
“Lud word deur die waarheid gedryf en glo geregtigheid moet in alle omstandighede seëvier. Hy’s ’n komplekse karakter met baie geheime wat hy sorgvuldig bewaar. Ek moes destyds my navorsing deeglik doen om hom so rea-
listies te kon vertolk.” Neels sê ook die verlede dra ’n element van nostalgie saam met hom. “Wat vir my in Vloeksteen uitgestaan het, was die kalmte en sjarme van Regardt en die passie van my medespelers.”
Elle Fourie, gespeel deur Erica Wessels, is ’n doelgerigte en streng professionele medehanteerder van die geheime agente en assistent van die hoofhanteerder, Spook de d Koning (André Jacobs). Haar en André se tonele het meestal in die kontrolekamer afges speel terwyl baie van hul medespelers waaghalsige streke kon uithaal in uitd dagende tonele op land e en see. Erica vertel hoe sy en André in ’n stadium lekker jaloers geraak het op hul kollegas. “Hulle het sulke opwindende tonele gehad waar hulle op ’n boot op die see vaar, of by ’n gebou inbars en diamant smokkelaars vastrek. Dit het later vir ons s soos ’n sitkamer begin voel w waar ons heeldag toegesluit w word,” vertel Erica laggend.
SAKEMAN: Koert Adler AKTEUR: Marius Weyers
BESKRYWING: Dié sakeman gee voor hy is ’n welaf delwer, gemeenskapsleier en gesinsman, maar hy’s eintlik die ‘godfather’ van die plaaslike smokkelwêreld. Hy raak soms skrikkerig wanneer die gereg op sy spoor is, maar dan vee hy sy spore met die hulp van sy handlangers dood.
HANDLANGER: Bling AKTEUR: Oscar Petersen
BESKRYWING: Op die oog af lyk Bling na ’n innemende en eerlike man, maar hy’s ’n smokkelaar, koelbloedige moordenaar en ’n handlanger van die Adlers. Kykers moet Bling dophou in episode 1 (2 Mei) waar hy een van sy vyande in die polisieselle stilmaak wanneer hulle op die punt is om hom te ontmasker. .