Oorweldig
Karmen sukkel om aan te pas in haar ouerhuis.
Weekdae SABC2 (*192) 18:00
Die Hillside-sakevrou Vanessa (Ingrid Paulus) sukkel om kop bo water te hou. Haar vierjarige dogtertjie, Karmen (Gabriella Linton), wat sy in November verlede jaar teruggekry het nadat sy in Maart 2017 ontvoer is, is besig om hand uit te ruk. Karmen sukkel om weer aan te pas in haar ouerhuis, gooi lelike vloermoere en breek al haar speelgoed. Vanessa, wat reeds emosioneel is omdat sy van haar man, (Theodore Jantjies), vervreem is ná sy affair verlede jaar, weet nie hoe om tot haar dogter deur te dring nie. Sy is besig om alle hoop te verloor dat dinge weer na normaal sal terugkeer. “Karmen wil net teruggaan na Hettie (Karin van der Laag) en (Rikus Strauss), die armsalige plakkerskampgesin waar sy gebly het tot sy gevind is,” sê Ingrid.
Xander VERMISTE MASKER Tjattas
Dinge raak erger wanneer Karmen op Woensdag 3 Januarie haar katmasker wat Tjattas vir haar gegee het, verloor. “Die kind is buite beheer en huil aanhoudend oor haar verlore masker. Vanessa sukkel om haar te laat kalmeer en kan nie verstaan hoekom die masker so ’n groot impak op Karmen se gedrag het nie,” vertel Ingrid. Haar kind is nie meer die dogtertjie wat sy geken het nie. Hulle is soos vreemdelinge vir mekaar. “En in die stadium voel dit vir Vanessa daar is niks wat sy kan doen om die ma-en-dogter-verhouding te herstel nie,” voeg Ingrid by.
PA OOK RAADOP
Vanessa se werk by Bruynwaves geleentheidsbeplanners ly op Donderdag 4 Januarie onder die huishoudelike spanning wanneer Karmen weer eens