Salm-confit met
Aartappel-blini’s
(bl. 28) Confit beteken jy maak iets by ’n baie lae temperatuur gaar in olie of vet. Dis baie makliker as wat jy dalk dink.
AArtAppel-Blini’s • 5 miiielslA--AArtAppels, -eskil • 45 ml peperwortelsous ( horseradish) • 25 - (45 ml) koekmeel • sout en vArs-emAAlie swArtpeper • olyfolie om blini’s in te brAAi
sALM-CONFIt • 600 - vArs sAlmfilet • 1 liter -oeie-ehAlte-olyfolie
• 250 - crÈme frAîche (suurroom) • vArs vinkeltAkkies vir -Arnerin-
Plaas aartappels in ’n groot kastrol en bedek met water. Bring water tot kookpunt en kook aartappels tot sag. Dreineer en druk fyn met ’n aartappeldrukker. Voeg peperwortelsous en meel by. Meng goed en geur met sout en peper. Verhit ’n bietjie olyfolie oor matige hitte in ’n kleefvrye pan. Skep groot teelepels vol aartappelmengsel in pan. Braai aan een kant tot bros en draai versigtig om. Braai aan ander kant ook tot bros. Haal uit en herhaal met res van aartappelmengsel. Vir die confit: Verwyder vel van salmfilet. Sny filet in blokke van so 3 cm. Gooi olie in ’n oondbak van sowat 20 x 20 cm en 6 cm diep. Plaas in oond en skakel nou eers oond aan op 90 °C. Verhit olie 20 – 30 minute en haal bak versigtig uit. Die olie moenie kokend warm wees nie. Plaas salmblokkies in olie en maak bak sommer met ’n houtplank toe. Laat staan vis 30 minute in olie. Skep versigtig uit en dreineer op kombuispapier. Pak aartappelblini’s op opdienbord en skep ’n groot teelepel crème fraîche op elke blini. Plaas ’n blokkie salm bo-op en garneer met ’n takkie vars vinkel.