‘Saam is ons beter’ - kerke smelt saam
“Saam is ons beter.” Dít is die boodskap wat die N.G. Gemeente Pietersburg-Noord en Renosterpoort aan hulle lidmate oordra, na dié twee gemeentes onlangs tot ‘n besluit gekom het na ‘n reeks samesprekings tot ‘n moontlike samesmelting.
Ongeveer drie jaar gelede het die leraars en kerkrade met gesprekke begin rondom wat die toekoms inhou.
Saa Saam het hulle gepraat, geluister gelu en is daar besluit be om die twee gemeentes te laat saamsmelt.
Ds. Hannes Bezuidenhout, leraar by Noordgemeente, sê die amptelike ooreenkoms oor is op 19 Augustus Augu geteken. “Renosterpoort Reno het in 1961 by ons afgestig en sal op 1 Desember weer terugstig. Kerke stig af wanneer daar genoeg bronne is en daar ‘n behoefte is om af te stig. Ons het besluit om die gemeentes weer saam te stig en saam te werk.”
Hy sê beide gemeentes het ‘n geskiedenis wat, met foto’s ten toon gestel sal word by die kerk.
Lidmate sal ook die geleentheid gegun word tot ‘n soomlose oorgang.
“Talle van Renosterpoort se lede is reeds van dag een af daar en dus wil ons vir hulle tyd gee om te rou. Dit is ‘n moeilike, maar belangrike proses waardeer almal moet gaan.”
Daar is verder besluit dat Noordgemeente se geboue as basis sal dien na die samesmelting.
“As die gemeente steeds vanuit twee geboue plaasvind, is daar ‘n ‘julle’ en ‘n ‘ons’. Dit is juis wat ons nié wil hê nie. Saam is ons beter.”
Die beplanning is om voortaan ‘n klassieke diens om 09:00 te hou asook ‘n familiediens.
Verder bedien die gemeenskap ook die N.G. Kerk Dendron.
“Ons is opgewonde want elkeen bring ‘n nuwe energie na die gemeente toe. Ons ervaar ‘n positiwiteit onder ons lidmate.”
Renosterpoort vier hulle verjaarsdag op 25 November en op 27 November word die laaste preek uit dié gebou gelewer.
Op 4 Desember word die eerste preek vir die saamgestelde gemeente vanuit Noordgemeente gehou.
“Ons het ‘n gemeenskaplike fokus naamlik ons is ‘n familie van omgee, wat saam bid en bly getuig. Met hierdie missie vertrou ons die gemeente sal seën ervaar in die jare vorentoe,” het hy afgesluit.