Build it ‘n jaar oud en bied steeds meer

Build it Mosselbaai verkoop boumateriaal en hardeware, maar by húlle winkel in Mosselstraat, D’Almeida, is daar nog veel méér waarde te vinde. Dít blyk duidelik uit kliënteterugvoering sedert hulle ‘n jaar gelede hul deure geopen het.

Boonop het hulle op die koop toe ‘n koffiehoekie met die allermooiste uitsig oor die baai en die Outeniquaberge, waar jy die allerbeste Italiaanse koffie kan geniet.

Navorsing het getoon dat die groot trekpleister om winkels te besoek eerder as om aanlyn te koop, die kliënte-ervaring is. Kliënte wil die atmosfeer in ‘n winkel geniet, die advies wat hulle ontvang kan vertrou en voel dat hulle kwaliteit diens en produkte ontvang teen ‘n billike prys.

Volgens Pieter Coetzer, mede-eienaar van Build it, staan kultuur sentraal tot hulle besigheid se sukses. Die span het self die waardes formuleer en daarom, kom dit uit die hart.

“Ons kultuur is ononderhandelbaar.” Dit behels dat kliëntediens heel eerste kom, omdat die personeel hulself tot vriendelikheid verbind het. Navrae word dadelik hanteer en moontlike klagtes ook, omdat integriteit ‘n kernwaarde is. “Ons span deel ‘n familiegevoel. Hier is een nie belangriker as die ander nie, want omgee en wedersydse respek is deel van ons waardes.”

Build it beywer hulself ook deurtentyd om veligheidsmaatreëls na te kom en om in hulle werk, nie skade aan die omgewing aan te rig nie.

In die afgelope jaar het Build it aktief teruggeploeg in die gemeenskap en verskeie projekte, onder andere in samewerking met die Da Gamaskop-polisie, in wie se bedieningsarea hulle geleë is, gedoen.

Pieter sê die hoogtepunte van die afgelope jaar was die hoeveelheid positiewe terugvoering wat daagliks vanaf kliënte ontvang word. ‘n Laagtepunt, wat hom steeds emosioneel maak, is die skielike afsterwe van een van hulle geliefde spanlede vroeër vanjaar.

Build it se produkte en dienste sluit in alle boumateriaal, hardeware, verf en tinte, asook die sny van sleutels. Dakke word in samewerking met Mossel Bay Roofing gedoen. Build it verskaf ook gas. Nog ‘n treffer by Build it, is kursusse in onder meer chalk verftegnieke wat deur hulle aangebied word. Op enorme aanvraag, word die volgende kursus einde November aangebied.

Verjaarsdagviering

Met hulle verjaarsdagviering op 25 Oktober, kan die gemeenskap uitsien na ‘n fees van prystrekkings en aanloklike afslagpryse op produkte. Nog beter nuus is dat spesiale aanbiedinge tot 3 November sal duur, solank voorraad beskikbaar is. Vyftien verskaffers stal ook uit op dié dag. Om by te dra tot die feestelike atmosfeer, saai SFm regstreeks vanaf Build it uit op 25 Oktober. Die Boksombende-groep, waarvan die Mosselbaai-tak in Mosselstraat 23 deel is, het tans 10 takke landwyd. “Ons het groot doelwitte en gaan voluit daarvoor,” vertel Pieter aangesien verdere uitbreiding in die Suid-Kaap reeds in die vooruitsig is.

Built it is sewe dae per week oop vanaf 07:00 – 17:00 Maandag tot Vrydag, 08:00 – 13:00 Saterdag en Sondag. Besoek hulle gerus ook by https://www.facebook.com/ builditmosselbaai/ om meer uit te vind of skakel 044 010 0096.