Jaarvergadering by Kenani
Die Belangegroep vir Aftree-oorde en Aanverwante Instansies in die SuidKaap (BAASK) het op 15 September hul algemene jaarvergadering by ACVV Kenani-dienssentrum in Mosselbaai gehou. Verteenwoordigers van aftreeoorde en instansies gemoeid met ouer persone van oor die hele Suid-Kaap en selfs sover as BeaufortWes het die geleentheid bygewoon.
Die geleentheid is deur ds Johannes Koekemoer van Hartenrus geopen en het geleentheidsprekers soos mev Kelly Fourie-Barnard van Rauch Gertenbach Prokureurs en Hannes Barnard van Aprolasa waardevolle inligting verskaf oor die wetlike aspekte rondom veroudering en die regte van bejaardes; minimumloon- vergoeding van skofwerkers, en die minimum diensooreenkoms tussen werkgewers en werknemers ten tye van ‘n staking. Ander aspekte bespreek by die geleentheid was die impak van die Sectional Title Schemes Management Act, Act 8/2011 en Community Schemes Ombud Service Act 9/2011.
Bestuurslede is vir ‘n verdere termyn van drie jaar herverkies. Dr Gerrit Theron (Hartenrusaftreeoord - Hartenbos), mnr Eric Bekker (Genevafontein-aftreeoord - George), Roline van der Westhuizen (Genevafonteinaftreeoord - George), Bets Wilkinson (Cavesaftreeoord - Oudtshoorn), Gert Meiring (Huis Elsjé - Mosselbaai), Johan Jacobs (Hartenbos-bejaardesorg - Hartenbos) en sr Retha Nel (Hartenrus-aftreeoord - Hartenbos).