Helpende hande in die droogte
In groot dele van Suid-Afrika sleep die droogte voort. Heelparty ramphulporganisasies was deurentyd betrokke, maar namate die nood vergroot het, het die organisasies ook vermeerder.
Boere is te midde van droogtes, vloede en brande nie net op hulself aangewese nie, maar ook op die hulp van verskillende organisasies, het mnr. Nicol Jansen in sy onlangse voorsittersrede op die jaarlikse Agri Noord-Kaapkongres in Kimberley gesê.
’n Noord-Kaapse boer sê hoewel dit aanvanklik moeilik is om hulp te aanvaar omdat hulle gewoonlik diegene is wat gee, is dit wonderlik om hulp te ontvang. Benewens die verligting wanneer hy veevoer vir verhongerde diere het, of sy veevoerrekening by die koöperasie gedelg is, bied die skenkings ook emosionele onderskraging.
Die droogterampverklaring van die departement van samewerkende regering is op 20 Julie in die Staatskoerant afgekondig. Die droogte in dele van die Oos-, Noord- en Wes-Kaap en sekere gebiede in ander provinsies is tot ’n ramp verklaar.
Hier volg ’n lys van enkele droogtehulporganisasies wat hulp verleen:
BOERE DROOGTEHULP SA NPC
Wat hy doen: Dit is ’n onafhanklike droogtehulporganisasie sonder winsoogmerk wat aan geen ander organisasie verbind is nie. Die stigter, mnr. Chris van Beljon, sê hulle gee reeds twee jaar lank 100% van hul skenkings aan boere en versoek ook nie geld om vragte met veevoer af te lewer nie.
Wanneer gestig: 2019
Lede van die bestuurspan: Mnre. Chris van Beljon (stigter), Beyers van Staden (hoofbestuurder), me. Lourene Nel (administratiewe bestuurder), mnre. Stephan Venter (takbestuurder vir Vaaldriehoek), Riaan Botha (logistiek) en PJ Snyman (aandeelhouer).
Gebied aktief: Landwyd. Beraamde hulp sover ontvang: Geldelike skenkings van R100 miljoen tot R150 miljoen, asook diesel, kos en voer. Grootste suksesstories: Meer as 5 000 boere is in ’n moeilike
tyd gehelp. Kos van R2,5 miljoen is gedurende die eerste twee maande van die covid-19-inperking versprei. Die organisasie is besig met ’n projek om skaapooie te skenk om boere te help om hul kuddes weer op te bou. NAVRAE: Mnr. Chris van Beljon, 082 961 6620, me. Lourene Nel, 076 507 9502. E-pos: info@boeredroogtehulpsa.org. Web: boeredroogtehulpsa.org
SAVE THE SHEEP
Wat hy doen: Save the Sheep is deur ’n paar boervroue van Sutherland as ’n informele organisasie begin wat gehekelde skapies verkoop het om veevoer vir boere in die Sutherland-distrik te koop. In 2019 is dit as ’n organisasie sonder winsoogmerk geregistreer. Die oogmerk is om gereeld op vasgestelde tye veevoer-verdelings teen bekostigbare pryse te bied, boerderye weer winsgewend te maak, die uitvloei van plaaswerkers en werkloosheid teen te werk, boere se eiewaarde te herstel, en die program uit te brei sodat die Karoo weer winsgewend kan wees en rampe beter kan deurstaan. Die organisasie help boere om watertenks en sonpompe goedkoper te bekom en boorgate te sink.
Wanneer gestig: 2017
Lede van die bestuurspan: Mnre. AJ Burger (voorsitter en projekbestuurder), Derick Hanekom (finansiële direkteur), me. Sybil Visagie (skakelbeampte) en mnr. Ockie Muller, voer koördineerder. Gebied aktief: Sutherland-distrik.
Beraamde hulp sover ontvang: Die somme is nog nie gemaak nie, maar die verskil wat dit in die gemeenskap gemaak het, is wat tel, sê Visagie.
Grootste suksesstories: Sutherland het danksy’ n doeltreffende droogte bestuur s program slegs’ n paar boere verloor. Die nuwe voerkorrelprojek is reeds ’n groot sukses. Met die samewerking van Gift of t h eG i verse n Voer mol kan laer gehalte veevoer omgeskakel word tot hoër gehalte-veevoer om skape op Sutherland, Calvinia en Garies weer in produksie te kry en winsgewendheid te verhoog. In 2020 is sowat 2 000 ton aartappels uit Ceres en die Namakwaland gebring. Vanjaar het boere in die Wes-Vrystaat hulp verleen waarby boere in die Oos-Kaap baat gevind het. Die organisasie lewer weekliks veevoer op verskeie dorpe in die Noord-Kaap af. NAVRAE: Mnr. AJ Burger, 082 895 5929, mnr. Derick Hanekom, 082 566 4325, me. Sybil Visagie, 071 2566 795, mnr. Ockie
Muller, 082 338 0323. Web: savethesheep. co.za. Facebook: Save the Sheep. Produkte: 0712566795. E-pos: in f o@ s a vet hes h e e p. co.za
C A RIT AS GEMEENSKAP S FOKUS
Wat hy doen: Die NG kerk NoordKaapland het saam met Caritas-gemeenskapsfokus NPC, Agri Noord-Kaap en Kerk Sonder Mure’ n ad hoc-droogtehulp taakspan gestig om na boere se geestesgesondheid en humanitêre behoeftes omte sien. Die droogtehulp projek fonds staan mense by met huishoudelike uitgawes, soos kruideniersware, brandstof, mediese uitgawes en hulp vir plaaswerkers. Die Caritas-beradingsentrum se noodnommer is 24 uur per dag beskikbaar. Die RSG-omroeper Amoré Bekker se Red ’n Plaas-veldtog het ’n waardevolle bewustheid geskep en die Dankie, Lottoland-TV-program het blootstelling gegee aan die Boesmanland C a min o-staptog. Ondersteuning vir skool en koshuisgeld word deur di eNG gemeentes Keimoes en Neilersdrif vir die Studente droogte hulpfonds( S D H F) verwerk. Wanneer gestig: 6 November 2019
Lede van die bestuurspan: Ds. Kobus
van Tonder (voorsitter), ds. C. Jonck (ondervoorsitter), me. Hanlie van Tonder (sekretaresse), ds. Marais Kluge, me. Esté van der Merwe (Caritas), me. Estie Botha (Caritas), ds. Attie Botha (Brandvlei-gemeente), me. Janine Byleveld (Agri Noord-Kaap), me. Judith de Villiers Evans (Caritas), ds. Nioma Venter (predikant in sinodale diens: Diaconia-sinode van WesKaapland), ds. Kobus Conradie (SDHF).
Gebied aktief: Noord-Kaap en omliggende gebiede.
Beraamde hulp sover ontvang: Geld ontvang: R10 239 860. Geld uitbetaal aan NG gemeentes, die SDHF en Agri NoordKaap: R9 689 100. NAVRAE: E-pos: kobus04@gmail.com, 076 530 4028. Web: caritas.org.za
DIE RUGBYONDERSTEUNINGSGROEP
Wat hy doen: Prof. Manie Spamer, ’n oud-Laingsburger wat op die familieplaas afgetree het, was diep getref deur die nadelige gevolge van die droogte op die boere. As oudrugbyafrigter het hy in 2020 oudrugbyspelers by die projek betrek. Bekende spelers soos Kobus Wiese, Schalk Burger, Hempies du Toit en Eugene Hare is betrokke. Die spelers samel skenkings in wat die organisasie se bestuurders op
Laingsburg uitdeel.
Lede van die bestuurspan: Mnre. Manie Spamer, Bertus Mans, me. Irene le Roux, mnre. Alewyn Nel, Jaco Hunlun en me. Christa Mans. Dr. Koos Uys, plaaslike leraar, dien ook in die komitee. Die span werk nou saam met Boere met Hoop. Ander organisasies wat skenkings gemaak het, is onder meer Saai, Laastedrif Boerdery (mnr. Rossouw Cillié), Solidariteit Helpende Hand, Manna vir die Boere, Agri Gauteng en Droogtehulp met Burre Burger, asook individue en maatskappy wat vervoer gratis verskaf. Gebied aktief: Laingsburg-omgewing.
Beraamde hulp ontvang: Die hulp van sowat R5 miljoen sluit in vrugte en groente, blikkieskos, meel, rys, olie, koffie en suiker. Veevoer sluit in gras-, hawer- en koringbale, tweedegraadkoring, mielies en kuilvoer.
Grootste suksesstorie: Sowat 40 boere word bygestaan met die hulp, en party sou sonder dié hulp moes boedel oorgee. NAVRAE: Prof. Manie Spamer, 082 373
4333, e-pos: manie.spamer18@gmail.com, mnr. Koos Uys (vir kontantskenkings), 071 671 9004.
SA WATER WARRIORS
Wat hy doen: Water Warriors is ’n niepolitieke, geregistreerde organisasie sonder winsoogmerk in Kaapstad wat geskenkte water van die publiek en groot ondernemings versamel en na gebiede versprei waar droogte heers. Hulle benodig geld om water na verafgeleë dorpe te vervoer.
Wanneer gestig: 2018
Lede van die bestuurspan: Mnr. Deon Smit (stigter en bestuurder) en me. Tina Connoway (fotografie en media-aspekte). Die res van die werk word deur vrywilligers gedoen.
Gebied aktief: Landwyd. Grootste suksesstorie: SA Water Warriors is geskoei op vrywilligers wat help
om skenkings in te vorder, en op hul eie koste tot by versamelpunte, asook na begunstigdes vervoer. Die grootste konvooi het uit 80 voertuie en vragmotors bestaan tydens ’n uitreik na Prins Albert. NAVRAE: Mnr. Deon Smit, 082 738 2702, me. Tina Connoway, 079 083 5275.
MANNA VIR DIE BOERE
Wat hy doen: Die organisasie bestaan uit individue en formele strukture wat reeds vir nege jaar droogte- en ramphulp bied. Die oogmerk is om nou saam te werk en vervoer en skenkers te koördineer sodat onnodige tyd- en geldvermorsing beperk word. Dit keer ook dat sekere gebiede te veel en ander te min hulp kry.
Met die verwoestende brande in die Vrystaat is besluit om as “Manna vir die Boere” saam op te tree om hulp en hoop aan medeboere en hul mense te bring. ’n Reuse-konvooi van 67 vragte voer is opgevolg met nog 97 vragte voer en 14 vragte kruideniersware na die dele in die Vrystaat en Noord-Kaap.
Daarna het die groep besluit om as ’n eenheid te werk om doeltreffendheid te verhoog. Elke betrokkene werk gratis, die betrokkenes gebruik geen skenkings vir hul eie uitgawes nie, die skenkings word oordeelkundig en verantwoordelik bestuur, en die droogtehulp word nie as ’n sakegeleentheid beskou nie.
Wanneer gestig: 2019
Lede-organisasies: Agri Noordwes, AfriForum, Agri Limpopo, Caring Daisies, Help ’n Karookind, Saai, TLU SA. Gebied aktief: Noord-, Oos- en Wes-Kaap.
Beraamde hulp sover ontvang: Altesaam 643 vragte voer van R13 100 000 is versprei, en vervoer van R8 600 000 is geborg.
Grootste suksesstorie: Sedert 2019 is 643 vragte veevoer afgelewer, waarvan die vervoerkoste R8 600 000 was. Die waarde van geskenkte veevoer is R13 100 000. Drie vragte kos en klere is ná die onlangse onrus in KwaZulu-Natal verskaf. NAVRAE: Mnr. Naudé Pienaar, Agri Noordwes, sameroeper van Manna vir die Boere, 082
776 8283, mnr. Henk Maree, Afriforum, 081 217 4949, me. Deidre Carter, Agri Limpopo,
083 676 5426, me. Anria van Heerden,
Caring Daisies, 082 772 8567, me. Hester
Obermeyer, Help ’n Karookind, 071 381 9256, me. Ine Bester, Saai, 082 613 0805 ,mnr.
John Rankin, TLU SA, 082 700 8106.
STRYDENBURGGEMEENSKAPSVEILIGHEIDSVERENIGING (SGV)
Wat hy doen: Droogte- en humanitêre hulp word beskikbaar gestel aan elke SGV-lid wat om hulp aansoek doen. Boere se geldelike situasie en veldtoestand het só verswak dat hulp van buite onontbeerlik was. Boere moet oorleef en die landbougemeenskap was verplig om te probeer keer dat gevestigde boere die gebied verlaat.
Hoewel hulle begin 2021 ’n taamlik goeie reënseisoen in dele van die gebied gehad het, is daar steeds nagevolge van die droogte. Die verswakte veld maak dit nog moeiliker om ’n finansiële agterstand te verklein. Veegetalle is baie kleiner, wat ’n kleiner inkomste meebring. ’n Streng balans moet met huidige veldtoestande en drakrag gehandhaaf word. Oordeelkundige veldbestuur in die volgende dekade is uiters belangrik, wat ’n groot probleem vir kleiner boere is wat steeds byvoeding benodig om reproduksie en ’n inkomste te behaal.
Lede van die bestuurspan: Mnre. Hennie Zwiegers (voorsitter), Roelf Deysel (tesourier/sekretaris), Johannes van der Merwe (koördineerder) en Christie Meyer (algemene sake). Lede-organisasies: Me. Sybil Visagie, Droogterampbestuur Noord-Kaap.
Wanneer gestig: 2018 Gebied aktief: Die Strydenburg-landbougemeenskap.
Hulp sover ontvang: Vragte met ’n verskeidenheid ruvoer, voerkorrels en mielies, asook geldelike bydraes waarmee lek en kragvoer aangekoop word. Die boere plaas hul bestelling by die komitee, wat ’n prys beding en daarvolgens aankoop en verdeel. SGV is dankbaar dat hy met die bydraes van reg oor Suid-Afrika hulp aan meer as 94% van die veevoeraansoeke en 97% van aansoeke om humanitêre hulp kon verskaf. Die balans is deur die georganiseerde landbou en kerke verskaf.
Suksesstories: Die dankbaarheid en vreugde met die ontvangs van veevoer. Mans en vroue werk saam en sommige vragte word sonder betaalde arbeid afgelaai. Nog ’n hoogtepunt is die stigting van ’n veiligheidsgroep in 2017. NAVRAE: Mnre. Hennie Zwiegers, 076 118 8378, Roelf Deysel, 072 808 5570.