WAT BEHELS DIE PROSES?
Private en kommunale grondeienaars sal vrywillig kan deelneem aan die proses om grond as deel van die park te verklaar. Hulle behou eienaarskap en regte tot die grond. Sanparke en sy vennote sal met grondeienaars saamwerk om biodiversiteit op die eiendom te help beskerm. Die proses sal individueel voltooi word met elke grondeienaar.
Grondeienaars gee toestemming in ’n geskrewe dokument wat hul leen San parke onderteken. Daarna word’ n bestuur sooreenkoms tussen San parke en die grondeienaar aangegaan waar die onderskeie rolle uiteengesit word.
Die betrokke eiendom word verklaar as deel van die nasionale park. Sanparke sal voorts optree as die besturende gesag van die betrokke eiendom. Die geskrewe ooreenkoms word aangeteken en geregistreer teen die titelakte van die eiendom, en die bestuur s ooreenkoms tree inwerking.
Grondeienaars en grondreghouers sal steeds ’n inkomste uit die grond moet kan genereer, maar op só ’n manier dat die biodiversiteit bewaar word. Nuwe geleenthede wat voordele vir die grondeienaars inhou, kan ondersoek word. Dit hou inkomste en eiendomsbelastings voordele vir grondeienaars in. Hulle kan ook wettige beskerming vir die biodiversiteit op ’n plaas verkry en só ’n nalatenskap skep wat die natuurlike, historiese en kulturele erfenis van die landskap vir die huidige en komende geslagte beskerm.
In kommunale gemeenskappe waar kommersiële ondernemings lewensvatbaar kan wees, sal gemeenskappe ondersteun word om bepalings vir lewensvatbaarheid uit te voer. Hulle sal opleiding ontvang, en vennootskappe met moontlike finansiers sal aangegaan word.