Trek boewe vas met dié kameras
Misdaad is landwyd ’n werklikheid wat talle lewens eis. Daarom het J3 Thermal besluit om sy produkte bekostigbaar te maak.
Suid-Afrikaanse boere se behoeftes is aan J3 Thermal bekend. Dus wil dié maatskappy hulle ondersteun deur, waar moontlik, Seek Thermaltermiese kameras teen ’n bekostigbare prys te verskaf.
Seek Thermal-kameras is vir persoonlike gebruik vervaardig. Dié klein, kompakte, draagbare termiese kameras neem temperatuurfoto’s waarmee ’n mens die visueel onsigbare kan sien. Dit meet die energievlakke van voorwerpe en skakel dit om in ’n volkleur-temperatuurfoto.
Die kamera word nie deur die son beïnvloed nie en kan snags én bedags gebruik word.
Geen kamoefleringsbekleding kan ’n Seek Thermal-kamera flous nie omdat die Seek Thermal steeds die energie wat vanuit die kamoeflering ontsnap, kan sien. Tot klein temperatuurverskille kan die posisie bepaal van ’n ongenooide gas wat wegkruip.
Die Seek Thermal-kamera het 76 800 termiese beeldelemente, wat ’n hoëresolusie-fotobeeld verseker wat in die interne geheue gebêre kan word. Dit kan later herroep word as bewys van die gebeure.
Hoewel geen termiese kameras deur vensters en mure kan skandeer nie, kan die Reveal Shield Pro-kamera deur rook of digte mis skandeer en ’n voorwerp tot op 700 m gewaar. Groter voorwerpe kan verder bespeur word. Die Reveal Shield Pro is robuus en maklik om te gebruik. Dit het die beste optiese beeldtegnologie omdat dit aanvanklik vir militêre toestande vervaardig is. Die LCD-skerm kan verdof word sodat die lig nie jou posisie verklap nie. ’n Stroboskopiese lig en ’n LED-lig van 300 lumen is ingesluit.