Rovic Leers: Meganisasie keer groot verliese
Met die regte toerusting in die boord kan pekanneute winsgewender geoes, gesorteer en vervoer word.
Die oogmerk met die meganisering van enige proses is om mededingender te word. Met pekanneut produksie i soes, bespuiting en boomstruktuur bestuur die belangrikste aspekte waar meganisasie geleenthede bestaan.
In oestyd word die produk versamel, gesorteer en na die punt van uiteindelike verwerking vervoer. Die waarde van pekanneute het só gestyg dat diefstal aansienlike verliese veroorsaak.
Meganisering met die regte toerusting beperk hierdie risiko, aangesien die minimum operateurs benodig word, en die oes teen ’n hoë tempo uit die boord verwyder word.
OESMASJIENE
Een van die metodes om die neute te oes, is om die boom te skud. Hierdie proses moet vinnig en doeltreffend wees, en sonder die risiko om oor die neute op die grond te ry.
Die COE M7-monobalkskudder is ontwerp vir groot pekanneutbome (tot 16 m). Geen ander trekkergemonteerde skudder het dieselfde vermoë om die boom vinnig van alle neute te stroop nie. Die standaardveërs voor en agter elke wiel verseker dat die minimum neute vertrap word.
As die boer in ’n COE M7monobalkskudder belê en gevolglik 5% minder verliese toon weens ondoeltreffende skud en vertrapte neute, voorkom dit verliese van R600 000 per jaar op ’n plaas van 50 ha wat 3 t/ha lewer.
Die reeks Flory-veërs en -blasers is beskikbaar in selfaangedrewe en trekkergemonteerde modelle. Die werksverrigting is dieselfde en die keuse kom neer op toeganklikheid onder die bome en operateurgemak.
VEE EN BLAAS
Die Flory 9685/9610-veër sweef onafhanklik en volg die grondkontoere om ’n gebied van 2,6 m wyd skoon te vee. Die aandrywing na die spil is hidrostaties en die spoed kan by die volume materiaal en voorwaartse spoed aanpas, terwyl dit ’n deeglike vee-aksie steun en oesverliese voorkom.
Die Flory 2500-blaser met dubbele blaseruitlate en verstelbare lugvloei en rigting sal ’n skoon boomlyn verseker.
Die Flory 78 SERIES AIRCAB-veër/blaser voeg gerief en boomlyntoegang tot die kenmerke hierbo genoem.
OES
Die sleeptipe Flory 860- en selfaangedrewe Flory 8600-oesmasjien het dieselfde oesvermoëns en oesskoonmaak-kenmerke. ’n Waaier met ’n lae snelheid en hoë kapasiteit, en ’n driestap-skoonmaakproses raak ontslae van klippies, sand en blare in die ketting met die suigproses.
Die hidrouliese, aanpasbare haak vir die grootkapasiteitsleepwa verseker optimale hanteerbaarheid. Die verskeidenheid oeswaens wat getrek word is: 1180-S: Vrag word van onder af uitgelaai; 2-2,5 ton vragvermoë;
1190-C: Vrag word van agter af uitgelaai; 2-2,5 ton vragvermoë;
1395-C: Agterste aflaai met stokverwyderaar; 3-3,5 ton vragvermoë.
VERVOER
Die Flory ST12-pendelvragmotor is só ontwerp dat die oesmasjien nie uit die boord hoef te ry nie.
Dié pendelvragmotor, wat van agter afgelaai word, het ’n unieke vorentoe-tru-ryvermoë, gekoppel aan die aandryfmeganisme in ’n outomatiese aflaaikapasiteit. Dit verseker dat die wa in die ry sy vrag kan aflaai, en verbeter die daaglikse oesvermoë.
SPUITE
Die Cima-standaard- en Extremepekanspuitkoppe is met die waardevolle hulp van mnre. Elvin Archer en Johan Coetzee ontwikkel. Dit het gelei tot ’n doeltreffende spuitoplossing waar albei kante van die pekanneutboom tot 16 m hoog in die boord bespuit word.
Spuitvolumes van 1 000 liter tot 1 500 liter per hektaar verseker dat die aktiewe bestanddeel egalig versprei word.
Venturi-tegnologie verseker ’n egalige vloeitempo en druppelgroottes, wat verliese en die risiko vir verkeerde kalibrering minimaliseer. Die gebruik van ultraklank verseker die bespuiting van slegs die bome en nie die gapings tussen-in nie.
In jong boorde sorg dit vir reusebesparings aan chemikalieë en die vermindering van besoedeling, met die gevolg dat meer hektaar per dag bespuit kan word.
Mnr. Marius Ras is bemarkingsdirekteur by Rovic Leers.