60 jaar se volgehoue sukses
Landboumaatskappye is een van die steunpilare van die Suid-Afrikaanse landbou omdat hulle goeie produkte aan boere verskaf. Daar is deesdae min landboumaatskappye wat ná 60 jaar steeds in Suid-Afrikaanse besit is. Agricol is egter één maatskappy wie se wo
Agricol, ’n wêreldklasmaatskappy, bied die afgelope 60 jaar uitgebreide akkerbouen weidingsreekse aan Suid-Afrikaanse boere wat die sukses van talle boerderye vergemaklik het.
Agricol is ook bekend as die saadmaatskappy in Suid-Afrika wat sedert 1958 die grootste verskeidenheid saadprodukte van ’n goeie gehalte, asook puik diens, aan boere lewer.
VERSKEIE PRODUKTE
Agricol se uitgebreide produkreeks bestaan tans uit 93 verskillende gewasse, 258 kultivars en 22 weidingmengsels. Die groot hoeveelheid saadprodukte wat Agricol vandag verkoop, het egter nie oornag ontstaan nie. Jare se ontwikkelingswerk het in elke gewas, kultivar en weidingmengsel gegaan voor die produk aan boere versprei is.
Agricol het in die laat 1950’s ’n baie beskeie ontstaan gehad. Mnr. Martin Andrag, een van die stigterslede, het 10 kg serradellasaad op ’n oorsese reis bekom. Saadvermeerdering is deur mnr. Willie Mostert, wat later die besturende direkteur van Agricol geword het, behartig.
Serradella het vinnig ’n treffer in die Kaap geword en was ver- al gewild as voergewas, asook vir die verbetering van die arm en suur sandgrond van die Wes-Kaap.
Later is daar ook 1 ton Australiese gras en klawersaad ingevoer en met groot sukses verkoop.
Saadvermeerdering was aansienlik meer werk in daardie jare, maar danksy die gewildheid van die gewasse het dinge vinnig posgevat en in 1958 het Agricol ongeveer 90% van die wêreld se serradellasaad geproduseer.
MYLPALE
Die eerste paar jaar is daar op weidingsgewasse, soos hawer en wit en geel soetlupiene gekonsentreer. Mettertyd is meer gewasse beproef vir hul aanpasbaarheid by Suid-Afrikaanse toestande.
Teen 1987 is die Agricol-produklys aansienlik uitgebrei met gewasse, soos lusern, meerjarige raaigras, langswenkgras, kropaargras, Japannese radyse, akkerbone, Dolichos en voersorghum wat bygevoeg is. Agricol het ook baie meer saad in die binneland begin verkoop en produkte vir die somerreënstreek is op groter skaal begin beproef.
In 1992 is ’n groot myplaal in Agricol se geskiedenis behaal. Ná ’n tydperk van toetsing het die maatskappy kanolasaad in die Wes-Kaap met groot sukses begin verkoop. Vandag spog Agricol steeds met een van die mees mededingende kanolakultivarpakkette in die land.
SONNEBLOMSAAD
Agricol beskou 1996 as sekerlik een van die jare in sy bestaan wat dié eens nederige weidingsaadmaatskappy se koers vir die toekoms radikaal verander het. Die maatskappy het sonneblom tot sy produklys gevoeg. Met die hulp van mnr. Whitey van Pletsen, vandag Agricol se produksiebestuurder, is die kultivar HV3037 bekom. Dit was baie gewild onder sonneblomboere.
’n Paar jaar later is daar ook in ’n sonneblomteelprogram belê, en kort voor lank was Agricol bekend as die Suid-Afrikaanse saadmaatskappy met die beste sonneblomkultivars op die mark – ’n posisie wat hy tot vandag behou het.
GRAAN
Ondanks die sukses wat Agricol met sonneblom in Suid-Afrika gehad het, is daar vroeg in 2000 besluit om ook die graansorghummark te betree met van die beste sorghumteelmateriaal wat van reg oor die wêreld verkry is.
In 2008 het Agricol ook tot die mieliemark toegetree met die bekendstelling van die IMPAK-reeks, wat boere die voordeel van konvensionele mielies én biotegnologie gee vir suksesvolle mielieverbouing.
In 2013, met die stygende vraag na sojabone in Suid-Afrika, het Agricol die Don Mario-sojaboonreeks bekend gestel.
In 2018 is die maatskappy se sojaboonkultivars van die beste kultivars in die Land- bounavorsingsraad se proewe in die koel, matige en warm gebiede aangewys.
WEIBARE MENGSELS
Dekgewasse is deesdae ’n gewilde besprekingspunt, veral onder boere wat op ’n biologiese manier hul grondstatus wil verbeter. Agricol het in 2017 die Agrilife Grazer-reeks bekend gestel vir boere wat meer spesieverskeidenheid op hul grond soek met die doel om meer organiese koolstof in die grond op te bou.
Die Agrilife Grazer-reeks bestaan uit beweibare dekgewasmengsels. Dit beteken boere wat kontantgewaslande vir ’n produksiejaar onttrek, sal steeds die voordeel van beweiding op daardie lande hê.
Die Agrilife Grazer-reeks bestaan uit Agrilife 12, wat ’n somerdekgewasopsie is, en Agrilife 2, wat ’n winterdekgewasopsie is. Daar is ook ’n gesamentlike winter-en-somerdekgewasopsie, naamlik Agrilife 21+, wat uit meer as 21 verskillende someren wintergewasse bestaan.
Of boere winterweidings, somerweidings, akkerbougewasse, dekgewasse of selfs turfgrasse wil plant, Agricol is die eerste naam wat na vore kom.
Agricol sien uit na die volgende 60 jaar saam met sy lojale klante. Na aanleiding van die sukses wat die afgelope 60 jaar vir Suid-Afrikaanse vee- en saaiboere teweeg gebring is, is daar baie mense wat nuuskierig is om te weet in watter rigting die Agricol-produkreeks volgende uitgebrei gaan word.
Plant in die kol, plant Agricol.