Netafim is leier in drupbesproeiing
Netafim is ’n internasionale maatskappy wat sedert 1965 die pionier is in die druprevolusie wat tot ’n paradigmaskuif in presisiebesproeiing gelei het. Sedertdien is hierdie baanbrekerswerk die hoeksteen waarop Netafim sy sukses bou.
Die hoofaspek van Netafim se besigheid is om die beste tegnologiese besproeiingsoplossings aan boere te bied. Drupbesproeiing is ’n gevestigde besproeiingstegnologie wat water en voedingstowwe regstreeks in die plant se wortelsone toedien. Dit verbeter gewasprestasie en bekamp verliese.
Drupbesproeiing word al dekades lank as ’n bewese watertoedieningsmetode by hoëwaardeen rygewasse gebruik.
Die sukses van drupbesproeiing kan aan baie faktore toegeskryf word. Die hoofrede is egter die verbetering van tegnologie die afgelope 50 jaar.
Netafim Suid-Afrika is een van die maatskappy se 29 sake-eenhede oor die wêreld heen. Met 13 tegniese raadgewers, vyf landboukundiges en ’n projekspan wat Suider-Afrika bedien, wil Netafim graag die boer help om meer te produseer met minder water tot sy beskikking. Om dit reg te kry, glo die maatskappy in produkte van goeie gehalte, goeie diens en die oordrag van kennis.
UNIRAMTM
Die maatskappye se vlagskipdruplynproduk is UniramTM, ’n drukgekompenseerde drupper.
Aan die binnekant van elke drupper is ’n diafragma wat die lewering van die drupper kan reguleer in ’n drukband van 5 m tot 35 m. Dit beteken verskillende druppers in ’n besproeiingsblok sal dieselfde lewering gee, al verskil die druk in die stelsel.
UniramTM-druplyne is in ’n wye reeks vloeitempo’s (liter per uur) beskikbaar, naamlik 0,7, 1,0, 1,6, 2,3 en 3,5.
Die drupper is ontwerp met dun, skerp tande in die vloeipad om baie sterk turbulensie, deur die gepatenteerde TurboNetTM-vloeipad, te veroorsaak. Dit voorkom sedimentneerlegging wat tot verstoppings kan lei.
Hierdie reeks kom in pypgroottes van 17-20 mm voor met wanddiktes van 1,2 mm of 1 mm.
Die reeks kan verder uitgebrei word met bykomende funksies, soos CNL (compensated non-leak ), AS ( anti-syphon) en XR, ’n drupper wat met koper deurweek is om wortelindringing te bekamp.
DRIPNET PCTM
DripNet PCTM is, soos UniramTM, ’n drukgekompenseerde, maar goedkoper drupper. TurboNetTMtegnologie in die vloeipad van die drupper beskerm die drupper teen verstoppings.
DripNet PCTM het ook ’n wye reeks vloeitempo’s (liter per uur), naamlik 0,6, 1,0, 1,6, 2,3 en 3,8.
Hierdie reeks kom in pypgroottes van 16-20 mm voor met wanddiktes van 1,2 mm, 1 mm, 0,6 mm en 0,4 mm. Bykomende funksies sluit ook AS en XR in.
Drukkompensering stel die boer in staat om doeltreffend, akkuraat en eenvormig die regte hoeveelheid water en voedingstowwe aan die plante te verskaf. Die plante kan dus optimaal produseer met eenvormige produksie reg deur die landery.
Netafim se reeks nie-gekompenseerde druplyne sluit die onderstaande in. ARIESTM
Dié druppers is gemaak van plastiek wat deur die wand van die druplyn bedek word om ’n goed gedefinieerde watervloeipad te vorm. AriesTM het die beste weerstand teen verstopping danksy die TurboNextTM-vloeipad wat sterk turbulensie in die vloeipad van die drupper veroorsaak. Die vloeitempo is onderskeidelik 1 liter, 1,5 liter, 2 liter en 4 liter per uur. Die pypdeursnee is 12 mm, 16 mm en 20 mm met ’n wanddikte van 0,7 mm, 0,8 mm en 1 mm. Dié druppers word plaaslik vervaardig en kan bestel word met enige afstand tussen drup pers (’n minimum van 20 cm). Netafim se ingevoerde reeks nie-gekompenseerde druplyne sluit die onderstaande twee reekse in.
TYPHOONTM PLUS
Dit het ’n vloeitempo van onderskeidelik 1 liter en 1,6 liter per uur met ’n pypwanddikte van 0,31 mm of 0,38 mm. Drupperspasiëring van 20 cm, 30 cm, 40 cm of 60 cm kan gekies word.
STREAMLINETM PLUS
Dit het ’n vloeitempo van 1,05 liter, 1,1 liter of 1,6 liter per uur met wanddiktes van 0,15 mm en 0,2 mm. Drupperspasiëring van 20 cm, 30 cm of 40 cm kan gekies word.
NAVRAE: E-pos: infoza@netafim. (met “Dis My Produk” as onderwerp); Willem Botha of Willem Smit, tel. 021 987 0477.