Klop hiér aan om graan veilig te hanteer, op te berg
AFGRI Grain Management is ’n leier op die gebied van die hantering en die opberging van mielies, koring, sonneblomme, sojabone, gars en sorghum. Wêreldklas tegnologie vir voorraad bestuur posisioneer dié maatskappy as ’n kundige in graanbestuur.
AFGRI Grain Management is ’n leier in sy veld danksy die maatskappy se vermoë om graan deur ’n wye netwerk aankoopagente te verkry en voorraad namens sy kliënte te dra.
Die maatskappy bied gestruktureerde handel s geleenthede aan die mark. AFGRI Grain Management bied ook oplossings aan graanmeulens en -persers reg oor Afrika met mededingende rentekoerse op kommoditeite wat namens kliënte gedra word.
Volgens aanduidings is dieselfde aantal hektaar somergraangewasse vanjaar as verlede jaar aangeplant. Sedert die 2014-produksiejaar was daar ’n wegswaai van mielies na sojabone. Dié neiging blyk voort te duur, met die vraag na en produksie van sojabone wat jaarliks toeneem.
Die insameling van die someroes was teen einde Julie reeds 72% afgehandel. Die opbrengs van sojabone was beter as wat verwag is.
AFGRI Grain Management het vanjaar die grootste sojaboonoes tot nog toe gehanteer en moes hom só posisioneer dat die groter volumes sojabone vinnig en doeltreffend by silo’s ontvang en opgeberg kon word.
Sowat 680 000 ton sojabone is vanjaar by sy bedryfspunte ontvang, bykans die helfte van die Suid-Afrikaanse sojaboonoes.
Die verwagte Suid-Afrikaanse mielie-oes sal vanjaar sowat 13,2 miljoen ton beloop. AFGRI Grain Management het reeds meer as 2,3 miljoen ton hiervan ontvang, wat deel uitmaak van die meer as 3,3 miljoen van die totale somergraanoes wat reeds deur sy opbergingspunte ingeneem is.
Groot oordragvoorrade het vanjaar daartoe gelei dat sekere bedryfspunte struikelblokke met die oesinname die hoof moes bied. Daar is egter deurentyd met kliënte onderhandel om hul graan by daardie punte vinniger te onttrek. In sekere gevalle moes AFGRI Grain Ma- nagement self voorraad na ander bedryfspunte skuif om in al sy kliënte se behoeftes te voorsien.
DIE SWARTLAND
Met die aanvang van die winterplanttyd het die Swartland goeie reën ontvang. Van April vanjaar tot in Junie was die reënval bogemiddeld en kon die graan goed ontkiem. Koring en gars lyk in hierdie stadium uitsonderlik.
Die reënval was in Julie onder die langtermyngemiddelde en wek kommer onder die boere, maar die weerkaarte toon dat opvolgreën tog op pad is. Tradisioneel is September die “regter” wat oesgrootte bepaal. Genoeg reën in Augustus en ’n koel September kan daartoe lei dat boere in die Swartland gemiddelde tot bogemiddelde oeste behaal.
KORING POTENSIAAL
Koring aanplanting sin AFGRI Grain Management se produksiegebied in KwaZulu-Natal is grootliks reeds afgehandel. Die meeste koring is onder besproeiing. Tydens planttyd was die grondvog baie goed en ’n gemiddelde tot bogemiddelde opbrengs kan verwag word.
By Winterton en Bergville het alle boere klaar geplant. Alle aanplantings is onder besproeiing en ’n goeie oes word verwag.
In die Oos-Vrystaat was boere teen einde Julie nog besig om te plant. Die koring wat al opgekom het, lyk goed. Die grondvog was vanjaar tydens planttyd gunstiger as in die vorige jaar. Indien die weerstoestande gunstig bly en goeie reën in September val, kan ’n bogemiddelde opbrengs verwag word.
Koring aanplantings, hoofsaaklik onder besproeiing, by Marble Hall, Groblersdal en Lydenburg is afgehandel. Indien die weerstoestande gunstig bly, kan dié streek ook ’n goeie opbrengs verwag.
Die besproeiing skoring by Brits, Koedoeskop en Thabazimbi lyk goed en die opbrengs lyk belowend.
MARKINLIGTING
Die kombinasie van faktore wat die koringprys beïnvloed, naamlik die wisselkoers, die aktivering van invoerheffings en die afkondiging daarvan, die tempo van invoer, die beskikbare plaaslike voorraad en die nuwe oes, lei daartoe dat die bemarking van koring sekerlik een van die gevaarlikste “wipplanke” is waarop ’n mens kan ry.
Safex se Desember-kontrak verhandel teen nuwe hoogtepunte van R4 270/ton (op 6 Augustus 2018). Onduidelikheid op die mark kan die prys nog in enige rigting laat beweeg. Onthou ook dat die koringprys sedert einde April tot begin Augustus met sowat R410/ton gestyg het.
Die belangrikste is dat Suid-Afrika reeds op 89% van sy koringinvoer staan, naamlik 1,7 miljoen ton.