85 jaar van puik werktuie
Piket Implemente vier vanjaar sy 85ste bestaansjaar as een van Suid-Afrika se voorste vervaardigers van landbou masjinerie.
Piket Implemente het in 1933 tot stand gekom, met die naam Van Niekerk & Krupp. Deesdae staan die maatskappy én die handelsnaam as Piket Implemente bekend.
Mnr. Carel van Niekerk sr. en sy twee seuns se produkontwikkeling bied reeds jare lank’ n sakpas oplossing aan veral saaiboere wat fynsaadplanters soek.
Piket Implemente ondersteun die geen bewerking boerdery metode, want die maatskappy meen dit is Suid-Afrika se toekoms met die aanhoudende waterskaarste, stygende inflasiekoste en ander uitgawes. ’n Gepaste planter vir geenbewerking is Piket se dekgewas-fynsaadplanter. Met hierdie planter kan fynsaad, soos tef, lusern en raaigras, asook sade, soos koring en hawer, gelyktydig saam met kunsmis geplant word.
Piket Implemente spog met ’n nuwe 16-ry-toevoeging tot die bestaande reeks planters vir 6 rye, 8 rye, 10 rye, 14 rye en 20 rye. Nóg ’n gepaste planter waarmee boere geenbewerking teen lae koste kan toepas, is Piket se ekonomiese geenbewerking-mielieplanter. Dit is ’n veelsydige planter vir sojabone, mielies, sorghum, babala, droëbone of sonneblomsade.
Piket se hidrouliese skottelplanter vir geenbewerking kan met gemak deur dik stoppels sny met min verstoppings weens plantreste. Dit bied ook puik saadontkieming en akkurate saadplasing danksy die welbekende Piket™-saaduitmeters. Dié werktuig vaar veral goed in moeilike planttoestande, soos klipperige grond.
Vinnige en maklike kalibrering geskied met ’n eenvoudige draaimeganisme wat saad en kunsmis met behulp van gepaste kalibrasiebakke kalibreer.
Piket Implemente het onlangs die Piket Planter-kalibreer-toepassing bekend gestel. Dit kan gratis by Google Play® of die Apple App Store® afgelaai word. Met hierdie toepassing kan Piket se kalibreermetode nóg makliker gebruik word.
NAVRAE: E-pos: info@piket.co.za; webwerf: www.piket.co.za; tel. 022 913 2435.