MIELIES BOSMAN TREE AF AS KOLLEGEHOOF
Mnr. G.J. (Giel) Bosman, gewilde en kleurryke hoof van die Landboukollege Potchefstroom, tree aanstaande April af ná ’n dienstyd van 17 jaar in dié hoedanigheid. Hy gaan ná sy aftrede in die distrik Vereeniging boer.
Bosman is in 1888 op Fochville gebore en het ook daar grootgeword. Hoewel hy tydens die Anglo-Boereoorlog (1899-1902) te jonk was vir krygsdiens, het hy hom tog by die Boeremagte aangesluit en dwarsdeur die oorlog geveg.
Hy het in 1907 op Stellenbosch gematrikuleer. Daarna was hy onderwyser op die Boereprofeet Nicolaas (Siener) van Rensburg se plaas in Wes-Transvaal.
In 1908 was hy een van agt Transvalers wat aangewys is vir studie in die landbou oorsee. Nadat hy sy graad aan die Universiteit van Iowa in Amerika met lof behaal het, is hy aangestel as lektor in akker- bou en veeteelt aan die Landboukollege Grootfontein by Middelburg (Kaap).
Van 1914 tot voor sy aanstelling as kollegehoof op Potchefstroom in 1929 was Bosman verbonde aan die droëland-proefstasie by Lichtenburg waar hy navorsing oor mielies gedoen het en aan die Landboukollege Glen as onderhoof en hoof.
Hywasdieeersteen’ntyd lank enigste voorligtingsbeampte van die departement van landbou. In dié hoedanigheid het hy Suid-Afrika vanaf 1916 tot 1919 per motorfiets deurkruis. Op hierdie reise het hy die bynaam Mielies gekry om hom te onderskei van A.M. Bosman, destyds lektor in veeteelt.
Hywasgewildbymielieboere, landwyd bekend vir sy luimige toesprake en het die eerste mielieverbouingswedstryd gereël.