Vinniger bespuiting in boorde
Sekere vrugtebome se vorm het met verloop van jare van ’n 3D-tipe vorm na ’n 2D-tipe vorm verander. Saam met hierdie verandering moet die spesifikasies vir die bespuiting en spuittoestel ook aangepas word. Rovic Leers het ’n gidsproef gedoen om vas te ste
Die vorm van kernen steenvrugteboorde het oor die afgelope twee dekades aansienlik verander. Die opleistelsels vir kernvrugte is verander vanaf die kelkfatsoen na die gebruik van sentrale leiers by aanplantings.
In die jongste tyd het die ontwikkeling tot die opleispilstelsels die boomvorm ’n punt laat bereik waar die dwarsdeursnee van die boom tot net 0,5 m tot 1 m afgeneem het.
In dié proses het die teikenafmetings vir die bespuiting verander van ’n driedimensionele struktuur, met ’n aansienlike volumetriese kapasiteit (boomryvolume), na ’n tweedimensionele vorm met baie min volumetriese kapasiteit. Die boom is dus smaller as wat dit voorheen was.
By spilvormige bome is die hoofdoel die vermoë om spuitstofbelaaide lug van die spuit af te bring na die punt van impak op die buitenste oppervlak van die boommuur. Sonder die noodsaak om die spuitstof deur ’n volume blare te dryf, moet die hele benadering van doeltreffende bespuiting heroorweeg word.
Die ideaal is om die spuitstof te plaas waar dit nodig is.
Wanneer die spuitstof deur die boom gespuit word, word die aktiewe bestanddeel swak benut. Dit gebeur wanneer die lugmomentum en lugsnelheidsprofiel, soos verskaf deur die spuittoestel, nie vir die boomstruktuur geskik is nie.
Die vereistes vir die spuittoestel sal wees om, teen ’n gegewe grondspoed, altesaam genoeg lugmomentum te verskaf om net die buitekant van die blaarwand te bereik. Die spuitstof moet die buitenste blaarwand van bo tot onder teen ’n eenvormige lugsnelheid bereik om sodoende teen die blaarmuur stagnasie te bereik.
As aanvaar word dat bogenoemde beginsels korrek is, ontstaan daar nou ’n vraag ten opsigte van die spuitspoed en lugmomentumbalans.
As die masjien ’n liniêre, horisontale lugsnelheidsprofiel (kruisvloei) kan lewer, hoe bepaal ’n mens die grondspoed en lugmomentumbalans?
FORMULE VIR PROEF
Om die grondspoed en lugmomentumbalans te bepaal, pas die berekening van die boomryvolume lugmomentum/grondspoedbalans toe:
Die volume lug wat vereis word = 1 000 x spuitspoed (km/h) x boomdiepte (m) x boomhoogte (m)
Op ’n spilvormige boord met die volgende afmetings: Boomhoogte: 3,5 m Rywydte: 3,5 m Boomdiepte: 0,75 m Waaierkapasiteit: 26 000 m³/h (werklik)
As die boonste formule en data gebruik word, is die beraamde ideale spuitspoed 9,9 km/h.
As jy die kwessies ten opsigte van die hantering van die toerusting in die boord, die aandrywingstres wat gelewer word, en die hoë impakpotensiaal buite rekening laat ignoreer, kan gevra word: Wat gaan met benutting van die aktiewe bestanddeel gebeur?
Die Atasa Evenflow®toringspuit van Rovic Leers is die enigste spuit wat ’n afgemete en bewese liniêre, horisontale lugsnelheidsprofiel met ’n variasie van minder as 15% in lugspoed het.
Die standaardtoepassing is die konvensionele aksiaalwaaier, soos gewoonlik op die plaas gebruik word, en twee ander spuite wat ook bygevoeg is.
PARAMETERS
Daar is gespuit teen 4 km/h (lae spoed) en 8 km/h (hoë spoed) met sommige spuittoestelle. Vir lae volume is 237 liter/ha (3 x produkkonsentrasie) en vir hoë volume 724 liter/ha (1 x produkkonsentrasie) toegepas. Druppelgroottes is gekalibreer in die 80150 mikron VMDkategorieë vir dié masjiene waar inligting beskikbaar was. Die konvensionele en elektrostaties spuit is as verwysing gebruik soos dit kommersieel aanbeveel en gebruik word. Dus is dit die maatstaf waarteen die alternatiewe gemeet is (sien GRAFIEK 1 en GRAFIEK 2 ).
BETER RESULTATE
Hoewel dit nie moontlik is om enige statistiese gevolgtrekking uit hierdie eerste proefresultate te maak nie, is ons optimisties dat die beginsels wat voorgelê is, ooreenstem met die aanvanklike data.
Daar word beoog om die proefnemings te herhaal om die aanvanklike gevolgtrekking te bevestig, naamlik dat ’n spuit met ’n toring wat ’n (bewese) liniêre, horisontale lugsnelheidsprofiel kan lewer (Atasa Evenflow®), oënskynlik beter werksverrigting as ander masjiengeometrieë bied. Dié spuittoestel kan met uitstekende resultate teen ’n hoër grondspoed in spilvormige boomvorms gebruik word.
Hierdie is egter nog nie ’n aanbeveling nie, maar slegs die eerste gevolgtrekking in ’n reeks proewe wat deur Hortgo en Procrop gedoen word.
Mnr. Marius Ras (M.Eng) is groepsbemarkingsdirekteur by Rovic Leers.