Genetiese data vir wild belangrik
Wildboere wat hul diere op Logix aanteken, is deel van ’ n sentrale i nligtingstelsel wat aan alle aspekte van wildboerdery aandag gee. Genetiese data, soos elektroniese identifikasie, stambome, DNS-profiele en metings van ekonomiese waarde ( soos horingeienskappe en ander mates), word aangeteken. Dit sluit in plek, naspeurbaarheid en siekte- en gesondheidsbestuur.
’ n Register van veeartse en ander mense wat metings op wild doen of behandelings toepas, word ook gehou. Stamboek se sentrale aantekeningstelsel geniet die erkenning van die Internasionale Komitee vir die Aantekening van Diereprestasie se gehalte-sertifikaat.
WILDSOORTE IN LOGIX
Altesaam 42 wildsoorte kan in Logix aangeteken word. Dit sluit diersoorte in, soos swartwitpense, bastergemsbokke en buffels, asook kleinwild, soos duikers en grysbokkies. Subspe- sies, bloedlyne en kleur-variante kan ook aangeteken word.
Vir suksesvolle teling met wild moet diere uniek en individueel geïdentifiseer word met ’n oorplaatjie, mikroskyfie of tatoeëermerk. Elke Stamboek- kudde word gekenmerk met ’ n unieke GDM (“Game Herd Designation Mark”).
Ouerskap kan bepaal word met DNS, wat regstreeks vanaf die laboratorium op die Logix-stelsel aangeteken word.
Telers moet boek hou van stamboominligting en geboortes. Alle inligting wat tydens die verdowing van die diere aangeteken word, waaronder horingmates en veeartsdata, kan op Logix Wild gebêre word. Voorbeelde van horingeienskappe wat aangeteken kan word, is horinglengte, horingbasis, horingpalm, ringe, puntlengte en punt-tot-punt-lengte.
Dit word volgens die Roland Ward of SCI- metings in duim én sentimeter gebêre. Sodra voldoende inligting beskikbaar is, sal teelwaardes vir horingeienskappe beraam word. Ander eienskappe wat gemeet kan word, is skrotumomvang en tandmates.
SA Stamboek het reeds die behoeftes van die wildbedryf raakgesien en sy aantekeningstelsel aangepas om ten volle in die behoeftes van dié bedryf te voorsien.
Voermol Hoëveldlek (
V16150) vir hoër fosforaanvulling.