Maerofvetjaar– NWK staanbyprodusente
In die hoofsentra op Lichtenburg tot op die kleiner dorpe, soos Biesiesvlei en Kameel, kan kl a nt e s t a a t maak op NWK se dienslewering en produkte van gehalte. Hoewel NWK hoofsaaklik in Noordwes besigheid doen, brei hy uit na ander dele van Suid- Afrika en ook verder in Afrika.
“Ons vra onsself gereeld af: Waar moet ons speel, hoe gaan ons wen en watter vermoëns het ons?” sê mnr. Johan Bezuidenhout, groepbestuurder korporatiewe bemarking by NWK.
“Daarvoor is ’n nuwe visie en missie nodig met doelstellings wat daarby aanhaak. Groei is deel van ons strategie en daarom kyk ons ook buite Suid-Afrika se grense na lande soos Zambië. In die kleinhandel kyk ons na groeigeleenthede, soos die agentskap wat ons op Orkney oopgemaak het op ’n bedryfsregbasis.”
Die NWK Groep bied dienste en produkte aan die landbou, soos graanhantering en -opberging, graanverhandeling, handelswinkels, landbou-adviesdienste en meganisasie. Die groep het ook filiale, soos Epko, Noordfed, Opti Feeds en Opti Chicks.
Die wêreldwye landbousakeleier, Louis Dreyfus Commodities, en NWK het hul vennootskap in Februarie vanjaar uitgebrei deur Epko, ’ n sonneblomsaadparsaanleg, in Lichtenburg te vestig.
Die twee vennote dra aanvullende vaardighede tot die gesamentlike onderneming by.
“Ons verstaan die uitdagings van ons klante. Daarom het ons finansieringsprodukte ontwikkel wat by die unieke behoeftes van elke produsent kan aanpas.”
Die vertakking vir dagoudbraaikuikens, Opti Chicks, presteer uitstekend. Om aan die voorpunt van tegnologie te bly, het NWK ’n toep, NWK Online,
ontwikkel wat die produsent met sy plaasbestuur help.
Gemeenskapsbetrokkenheid is ’n hoofdryfveer vir NWK. Die maatskappy is daarom betrokke by projekte soos die Noordwes-Universiteit (Potchefstroomkampus) se Ikateleng-projek waar leerders in grade 10, 11 en 12 ekstra klasse bywoon. Die projek word saam met die Departement van Onderwys aangebied.
NWK ondersteun die skoolskoenprojek waar skoene, kouse en ’n mussie aan kinders voor- sien word. NWK het verskeie rekenaarsentrums by skole gefinansier. Die installasie is deur NWK Inligtingstegnologie behartig. “Ons het ’ n beleid van maatskaplike verantwoordelikheid aanvaar. Vir ons gaan dit daaroor om gemeenskappe werklik op te hef,” sê Johan.
Nóg projekte sluit die Jongprodusentprojek en die oorgang van bestaansprodusente in die NWK- bedieningsgebied na lewensvatbare kommersiële produsente in.
NWK is ’n vooraanstaande verskaffer van puik landboudienste en -insette.