MARKBAAS BREEK LANSIE VIR BOERE
DIE bestuur van die Kaapstad Mark ondersteun grondhervorming, maar kan nie toelaat dat ervare boere in Nigerië en Zimbabwe gaan boer omdat hulle nie meer hier welkom is nie, sê dr. Anwah Nagia, voorsitter van die Kaapstad Mark en direkteur van die Africa Commodities-groep.
Hy het op die opening van die RSA Groep se nuwe markvloer by die Kaapstad Mark in Epping gesê boere is die mense wat soggens vyfuur opstaan om kos op die tafel te sit. “Suid-Afrika is dié sterk manne en vroue veel verskuldig.”
Hy het verwys na di e noodsaaklikheid van grondherv o r mi n g en transformasie met di e hulp van kommersiële boere en sonder om bestaande landbouproduksie te vernietig. “Ek het ’n paar jaar gelede in ’n voorlegging aan die Parlement voorgestel dat kommersiële boere as ment ors vir nuwe swart boere optree.” Hy sê boere was dapper om in 2004, toe Africa Commodities die Kaapstad mark gekoop het, in vennootskap met die onderne- ming te gaan en ’n aandeel van 26% in die mark te koop. “Deur hul intellektuele kapitaal het ons die volume produkte wat ons verkoop, vergroot, ons rekenaarstelsels verbeter en die mark vriendelik gemaak vir die hele gemeenskap. Die mark het ’n plek van uitmuntendheid geword. Deur die koopervaring makliker te maak, het ons alle deelnemers se ondernemings verbeter.”
Nagia het hom ook sterk uitgespreek teen maatskappye in die saadbedryf wat die manier waarop boere produseer deur monopolistiese gedrag beïnvloed. “Hul gedrag hou nasies soos ons en boere gyselaar. Ons is aan hul genade oorgelaat.”
– AMELIA GENIS
‘Boere was dapper om in 2004, toe Africa Commodities die Kaapstad Mark gekoop het, in vennootskap met die onderneming te gaan en
’n aandeel van 26% in die mark te koop.’