Swartland-drankie herrys ná eeu
Meer as ’n eeu gelede was Caperitif ’n eg Kaapse drankie wat in mengeldrankies wêreldwyd gebruik is. Toe dit van die mark verdwyn, het dit gou ’n spookbestanddeel geword. Dié spook(dop) loop nou weer in die Swartland.
Slaan jy die stokou The Savoy Cocktail Book oop – vir dekades al die handleiding van kroegmanne en liefhebbers van mengeldrankies – is daar 40 resepte wat vir ’ n skeut Caperitif vra. Wêreldwyd is daar 70 resepte wat Caperitif bevat. As jy op die internet rondsoek daaroor, vind jy gou uit jy is nie die enigste wat nuuskierig is oor dié misterieuse voggie nie.
Soos met enige goeie spookstorie bly die vrae egter meer as die antwoorde.
Die hoofkroegman by die Savoy-hotel in Londen het die ikoniese boek saamgestel waarin Caperitif skop sit in mengeldrankies, soos die Barney Barnato, Oom Paul, Swazi Freeze en Jan Smuts.
As mengeldrankies in die 1930’s jou dop was, sou jy geweet het Caperitif is ’ n aptytsnapsie wat in die Kaap gemaak is. En as Caperitif op die lys van bestanddele voorkom, kon jy weet die mengeldrankie het ’n Suid-Afrikaanse kleurtjie.
“Jy weet, dit was ’n tyd van oorlog en depressie. ’ n Mens sou dink die mense moes meer suip, maar dit lyk nie so nie, want Caperitif het in dié tyd, êrens tussen die 1930’s en die 1940’s, van die mark verdwyn. Mense het van die spookbestanddeel begin praat. Dis nog net vasgevang in die mengeldrankieresepte van die 1920’s,” vertel die Swartlandse wynmaker Adi Badenhorst van AA Badenhorst Family Wines.
Hy en die Deense kenner van mengeldrankies Lars Lyndgaard Schmidt het verlede jaar weer lewe geblaas in dié legendariese drankie en hul eie weergawe van Caperitif – ’ n versoete mengsel van Chenin blanc, kinien, vrugte en fynbos – bekend gestel.
“Dis ’n ou naam vir ’n produk wat honderd jaar gelede in mengeldrankies uniek aan Suid- Afrika gebruik is. Toe Lars my daaroor nader, het dit interessant geklink. Ek was dadelik opgewonde daaroor. Ons het die naam geregistreer en sonder ’n resep begin eksperimenteer.
EG KAAPS
“Die hele idee was om dit so Kaaps te hou as wat ons kan. Daarom gebruik ons net vrugte waarmee in die omgewing geboer word, soos
HOOFFOTO: Kalmoesfontein, die Swartlandse plaas waar die wynmaker Adi Badenhorst woon.
1. Adi Badenhorst hou van sy Caperitif net so op gebreekte ys.
2. Die hedendaagse Caperitif is eg Kaaps en word met fynbos en vrugte gegeur.
3. Caperitif, die Suid-Afrikaanse sopie wat jare lank van die mark verdwyn het, word weer in die Swartland geproduseer.
4. Die ou The Savoy Cocktail Book bevat 40 resepte waarin Caperitif voorkom.