SUKKEL JY OM TE KRY?

MNR. RENSBURG AGGENBACH is ’n gehoorgestremde tegniese beampte in die wolhanteringsafdeling by BKB in Port Elizabeth. BKB het verlede jaar ’n span dowes in sy pakhuis in dié stad aangestel om wol te hersorteer. Lees op bl. 40 meer oor die sukses van die inisiatief. Ek het my vrou, Marinell (van Eyssen) ontmoet terwyl ek aan Elsenburg gestudeer het. Ons het drie kinders — Annamarie (22), ’n onderwyser op Queenstown, Gertruida (21), wat ook onderwys studeer, en Gerhard (18), wat vanjaar matriek skryf. Dit het baie moed en geduld geverg om ’n doeltreffende kommunikasiestelsel oor taalen kultuurgrense heen te skep. In dié opsig verskil die wêreld van die dowe baie van dié van die horende. Dit het my selfvertroue en menswaardigheid ’n groot hupstoot gegee omdat ek nou ’n brug is tussen die horendes en die dowes. MNR. LOODT BÜCHNER van die plaas Kleinhoek, Paterson, boots met sy boereplan, ’n skuurpaal wat as ’n dip dien, die natuur op ’n goedkoop en volhoubare manier na om parasiete by sy wild te bekamp. Lees die artikel op bl. 70. Ek is die vierde geslag Büchner op die plaas. Ná matriek aan die Landbouskool Marlow (Cradock) is ek na Kovsies waar ek in 2008 B.Com. (Bemarking) gaan studeer het. Ek was ’n inwoner van die omstrede Reitz-kamerwonings. Ek het drie jaar gelede na die plaas gekom, van waar ek my landwye telekommunikasieonderneming, Access Office Systems, bedryf. In 2013 het ek Tootabi Hunting Safaris begin, wat jaggeleenthede vir buitelandse jagters reël. Tans volg ek ’n nagraadse kursus, die BML (Baccalaureus in Bestuurleierskap), wat deur die Universiteit van die Vrystaat se sakeskool aangebied word. My geloof. Dit is waar ek leiding, krag en deursettingsvermoë vandaan kry. En ek is ’n gebore entrepreneur en plannemaker.