Umsindo kubangwa ukufungiswa kwekhansela
ngoSepthemba.
IMeya ye-IFP uMnuz Cedric Zungu, yaphucwa iketanga lobumeya ngevoti lokungabethembi ubuholi bayo, lanikezwa uMnuz Thobelani Verus Ncamphalala we-ANC.
Ngokomthombo obusemhlanganweni, kuphakame umoya ngesikhathi uSomlomo uNkk Dipuo Ntuli, echitha isicelo sokuthi kufungiswe uMthiyane emhlanganweni obungoMsombuluko.
“Amakhansela abange umsindo ngokushaya amatafula. Kube khona ukuklolodelana ngesihlalo sobumeya. Kushode ozogadla.”
USihlalo we-IFP KwaZulu-Natal uMnuz
Thami Ntuli, uthe baphoxekile ukuthi ikhansela elisha alizange lifungiswe.
“Onke amakhansela akhethwa kanye nawo, asefungisiwe.
“Siyazi ukuthi i-ANC yakhala ngemiphumela, kodwa i-IEC (Independent Electoral Commission) yabachitha. Bese kufanele ikhansela lifungiswe.”
UNtuli usole amakhansela e-ANC ngokungafuni ukwamukela imiphumela yokhetho.
“Abafuni ukwamukela ukuthi abantu baseMtuba sebekhulumile.”
UNobhala we-ANC esifundeni iFar North uMnuz Siphile Mdaka, uthe amakhansela e-IFP afike emhlanganweni enenhloso yokuzophazamisa umhlangano.
“Ukufungiswa kwekhansela yindaba ephakathi kwe-IEC nomasipala, engicabanga ukuthi bayayisebenza leyo ndaba.
“Inhloso yabo bekuwukuthi umhlangano ugcine ungabanga khona. Bekunezindaba ezibalulekile umasipala obekufanele uthathe izinqumo kuzo.
“Ukuhluleka kukamasipala ukuthatha izinqumo kulezo zindaba bekuzosho ukuthi umasipala uhluleka ukusebenza.
“Inhloso yabo bekuyileyo-ke yokuthi kuthiwe umasipala uhlulwa ukusebenza.”
Uqhube wathi: Sibonga amakhansela ethu alawule isimo umhlangano wagcina uqediwe.”