Kusolwa abasakazi nesikhulu ngolukaMdonso
UKHALE NGOKUSATSHISWA OSULE OKHOZINI
Mthokozisi Cassper: Kunzima dadewethu. Wonke umuntu osuke eqashiwe kulowo msebenzi ngiyamethemba njengoba nawe bengikuthanda futhi ngikwethemba, uhambe kahle dadewethu ngiyokukhumbula, sengathi ungathola ongcono sisi wami, ngibuhlungu ngawe, asazani kodwa kunzima, ngisathukile.
Siboniso Ndwandwe: Iqiniso limsulwa thina ebesilalela iZululand FM siyazi ukuthi uMdonso ubesakaza kahle kanjani.
Kuthe mayebizwa wuKhozi sajabula kodwa ngaphoxeka ngendlela abesakaza ngayo, ubekhombisa ukuthi akakhululekile, uyazi, ubebheda ngisho into encane kubonakala ukuthi akakhululekile.
Bengizitshela ukuthi umsakazo omkhulu yiwona omenza abe nokwethuka.
UMdonso siyamazi thina uyasakaza baningi abadlulayo oKhozini, inkinga kuyasho kuthi ubesatshiswa, eyi. ABADLALI BAWE-PSL BAZWELANA NOGABUZA
Sfiso McDondo: Baqinisile laba badlali abamesekayo, vele yena uyalisebenzela iqembu, abanye aboke bazibuze ukuthi kungani la mathuba awatholayo uGabuza uma edlala bengawatholi abanye uma engadlali. Impendulo ithi amanye amathuba asuke akhiwe nguye ngokusebenza kwakhe kanzima kodwa kugcina kungabonakali uma elishwebile. Qina Qhawe uqhubeke nomsebenzi wakho ukhohlwe abalandeli, vele bahlale beya ngala okuya ngakhona umoya.
Menzi Wezinto: Uma ulazi ibhola ubheka iqhaza alibambayo uGabuza emdlalweni, uzobona ukuthi kungani bemfaka abaqeqeshi ngaphandleke uma ulandela into ongayazi. Angikholwa ukuthi bonke laba baqeqeshi bayagula emakhanda njengoba bembophela, ikhona yinto abasuke beyibona, nami le engibonayo.
KUKHONJWA abasakazi ababili abanesibongo esifanayo nesikhulu esithize soKhozi FM ngokwesula emsebenzini kukaNonhlanhla ‘Mdonso’ Ngcobo ngoLwesithathu ekuseni.
Ngokusho komthombo ongaphakathi kulo msakazo, abasakazi nalesi sikhulu (esiwagodlile amagama abo ebebefaka ingcindezi yokuthi uMdonso athathe isinqumo sokuhosha imfe kulesi siteshi esihamba phambili eNingizimu Afrika nase-Afrika jikelele.
UMdonso, obesakaza noZimiphi ‘Zimdollar’ Biyela uSigiya Ngengoma futhi bezibiza ngeZimdonso, uthe ushiye oKhozini ngenxa yengcindezi nokusatshiswa obese kuqhubeke isikhathi eside selokhu aqashwa kulo msakazo.
Uqhuba umthombo uthe abasakazi basekhempini eyodwa nalesi sikhulu futhi bebesabisa uMdonso ukuze kubuyele omunye wabo kuSigiyaNgengoma.
“Akungasolwa nje abalandeli nabaculi bakamaskandi, yilaba basakazi ebebengamfuni uMdonso ngoba befuna kuqashwe bona ohlelweni. Le nto ayiqali manje, baningi abasakazi asebeke bahlangabezana nenkinga yokusatshiswa kodwa bona babekezela. Indaba isuka emakhempini angaphakathi emsakazweni. Nawe njengoba wazi ukuthi uma kulwa izindlovu, wutshani obuqothukayo. Ngakho noMdonso uphenduke utshani.”
Ebuzwa uMdonso ngala mahlebezi, ucele ukungabe esaphawula lutho. Nomunye umthombo ongaphakathi uthe uMdonso ubeyisisulu sokungazwani kwabaphathi besiteshi.
“Uzokhumbula ukuthi kunesikhulu esathatha isinqumo sokuthi kuyosakazwa umcimbi kaMroza Fakude kwaHlabisa kodwa kwanesinye esishaya phansi ngonyawo ekubeni kwase kumenyezelwe emsakazweni ukuthi uKhozi luzobe lusakaza bukhoma.”
Omunye umthombo uthe yize kunabasakazi abaxoshisa abanye kodwa kunezikhulu zomsakazo ezishaya phansi ngonyawo.
“Zithi ngeke labo basakazi abasolwayo baze babuyele kuSigiya Ngengoma, kunalokho kungasakaza uZimdollar yedwa. Abavele bakhohlwe ngoba izikhulu lezo azihambisani nokubuyiswa kwabo. Umthombo uphinde wadalulalu ukuthi kungase kube nezingxoxo phakathi kwabaphathi noMdonso njengoba kunabanye abacabanga noma abakholwa wukuthi lo msakazi uthathe ngamawala, mhlawumbe yisimo esingalungiseka lesi,” kuphetha umthombo wesithathu.
Imizamo yokuthola umphathisiteshi uSbongi Ngcobo ukuba aphawule ayiphumelelanga ngenxa yokuthi ucingo lwakhe beluvaliwe futhi akawuphendulanga umyalezo athunyelelwe wona nge-SMS.
Okhulumela iSABC uNksz Neo Momudu wenqabile ukuphawula ngoba ethi usalinde incwadi ezikhulwini zoKhozi FM.