Isinqumo odabeni lokudla ezikoleni
LUZOQALWA phansi uhlelo lokukhipha izinkontileka zokuphakelwa kwezingane ezikoleni zaKwaZulu-Natal emuva kokuthi inkantolo ithole ukuthi uhlelo lokuzikhipha alwenzekanga ngendlela efanele.
Isolezwe like labika ngokungagculiseki kosonkontileka abadala ngokuqokwa kosonkontileka abasha.
Osonkontileka abasha bebeqokwe ngaphansi kwethenda yokuphakela izikole edle uhulumeni u-R1.4 billion KwaZulu-Natal. Zingu1.8 million izingane ezidlayo ezikoleni zaKwaZulu-Natal.
Bahambise lolu daba enkantolo lapho amajaji enqume khona ukuthi uhlelo lokuqokwa kosonkontileka abasha alulandelanga imigomo efanele ngakho kumele luqalwe phansi.
Phakathi kwezinto osonkontileka ebebekhala ngazo wukuqokwa kwezinkontileka zabantu abahlala kwezinye izifundazwe ekubeni umthetho uthi makuqokwe umuntu ohlala endaweni okukhona kuyo isikole azosiphakela.
UMnuz Kwazi Mthethwa, okhulumela uNgqongqoshe wezeMfundo KwaZuluNatal uMnuz Mthandeni Dlungwane, uthe bazosifunda kahle isinqumo senkantolo ukuze bahlahle indlela eya phambili.
“UNgqongqoshe (Dlungwane) uyasazi isinqumo futhi uzoqinisekisa ukuthi izingane ziyadla ezikoleni ngesikhathi sisafunda isinqumo senkantolo,” kusho uMthethwa.
Okhulumela iDA ophikweni lwezemfundo esifundazweni, uDkt Rishigen Viranna, usamukele ngezandla ezimhlophe isinqumo senkantolo wathi bebazi