ISharks isonga ngokuphoxa iLions kwiSuper Rugby
IQEMBU laseNingizimu Afrika elinganikwe lutho kuma-quarterfinal eVodacom Super Rugby, iCell C Sharks lisongela elithishwe ukuthi lidle umhlanganiso kulo mqhudelwano, i-Emirates Airlines Lions, ngokuthi lingezi ngobuso ngoMgqibelo ngoba lizophoxeka.
Iqiniso wukuthi iLions yilona iqembu lakuleli elithishwe ukuthi lidle lo mqhudelwano elisale ekugcineni kuwona ngesizini edlule. Lokhu kufakazelwa irekhodi layo lokungayazi induku ekhaya kule sizini okuwumqansa ohlalele iSharks ngoMgqibelo ngo-2.30 ntambama, e-Emirates Airlines Park, eGoli.
Ngapheuzlu kwalokhu iLions isiyiphendule amathofi iSharks eminyakeni emibilli edlule lapho ibiyixhaphaza khona
ngenduku kungakhathalekile ukuthi umdlalo useThekwini noma eGoli. Ngeledlule la maqembu abebhekene eThekwini kowokugcina kweyamaqoqo. Kulowo mdlali iLions yenze obekulindelekile yazixebulela kwiSharks. Nokho abaqeqeshi baleli qembu lakwelikaBhanana bathi iLions ingalokothi izitshele ukuthi izophinda eke yakwenza.
“Iqiniso wukuthi akukho okutheni obekwenza umdlalo wangeledlule ube mqoka kodwa futhi sonke siyazi ukuthi lo ozayo uzobe wehluke kakhulu. Nakanjani sizobe sihlukile nathi endleleni esizobe sihlele ngayo nendlela esizodlala ngayo,” kusho uRyan Strudwick oqeqesha abadlali basemuva beSharks ejimini ngoLwesibili.
“Okucacele wonke umuntu wukuthi isimo ebesikusona ngeledlule besinzima ngoba besingazi ukuthi kumele sidlale kanjani ukuthola lokhu ebesikufuna. Lokhu bekusemqondweni wabadlali nathi imbala singabaqeqeshi. Siqale kahle kodwa esiwombeni sesibili abadlali bese becabanga ngomdlalo lo esiya kuwona ngoba bonke bebazi ukuthi umdlalo wangempela yilo oseGoli ngoMgqibelo.” Abadlali beSharks okukhona kubo uLwazi Mvovo, Lukhanyo Am, Curwin Bosch kuzobhekwa kubona ukuthi baliqede ishobolo lokuba ukudla kwesibhaxu njalo uma bebhekene neLions. Imidlalo yangempelasonto quarterfinal
Super yamaeVodacom Rugby:
Kusasa:Brumbies v Hurricanes Stadium, ngo-11.35am)
NgoMgqibelo: Crusaders v Highlanders (AMI Stadium, ngo-9.35am); Lions v Sharks (Emirates Airlines Park, ngo-2.30pm); Stormers v Chiefs (DHL Newlands, ngo-5pm).