Baphendula eyokuqoka ithenda ebizayo
Ababize kancane babafaka enkantolo
NAKUBA kunemibiko yokukhononda kwenkampani ethile eseyize yafaka (enkantolo) udaba lokukhishwa kwethenda yokulungiswa kabusha kwesikhumulo sezindiza eMkhuze, ngaphansi koMkhandlu uMkhanyakude, izikhulu zalo masipala zithi sekusemaphethelweni ukuqedwa kwesigaba sesibili sokwakhiwa kwaso.
Empeleni zithi ngasekupheleni kwale nyanga kulindeleke ukuba kuphele ukwakhiwa kwe- runway.
Ngokusho kwemenenja yalo masipala, uMnu Sibusiso Bukhosini, inkampani enikwe lo msebenzi isikuqinisekisile ukuthi noma kanjani ekupheleni kwale nyanga izokube isiqedile ukwakha umgwaqo okuhlala kuphinde kusuke kuwona amabhanoyi. Le- runway iwu-2.5 wamakhilomitha ubude.
Yize umasipala uqhakambisa lezi zindaba ezibonakala zimnandi kuwona kodwa ILANGA lithole ukuthi kukhona ukungenami enkampanini iRaubex KZN Proprietary Limited, ngokunikwa kwale thenda inkampani okuyimanje iqedela lo msebenzi.
Kuthiwa abeRaubex bakhala ngokuthi kabaqondi ukuthi kungani umsebenzi unikwe inkampani ebize imali engaphezulu kuka-R26million, ekubeni bona bebize engaphansi kuka-R20 million.
ILANGA likwazile ukubona incwadi ebhalwe ngabameli, i-Cox/Yeats Attorneys, lapho beveza khona ukuthi bamele iRaubex. Ilotshwe ukuthi bafisa ukuchazelwa ukuthi kungani lo msebenzi unikwe i-Egxeni Engineering CC, ebize u-R27 567 660 kodwa bona bangakwazi ukuwuthola bebe bebize u-R19 555 000 okwenza kube khona umehluko ka-R8 million.
Le thenda ikhishwe yinkampani, Umhlosinga Development Agency Propriety Limited, engaphansi kwawo lo masipala, ngowezi-2017.
UMnu Bukhosini uthe udaba lokukhononda kwale nkampani bayalwazi, luqale lwafika kubona njengomasipala kwazise uMhlo- singa ungaphansi kwabo, wawujutshwe yibona ukukhipha le thenda. Uthe luhambe lwaze lwafika enkantolo kodwa inkantolo yaluchitha.
“Njengoba sisho nje, inkampani eyenza lo msebenzi isitshelile uku- thi seyiyaqeda ngesigaba sokuqala sokuvuselelwa kwalesi sikhumulo sezindiza. Siyivumelile ukuba iqhubeke nomsebenzi ngoba sikholelwa ekutheni iwenza ngendlela futhi silandele yonke imigudu yokukhishwa kwamathenda. Siyakholelwa ekutheni inkampani eyanikwa umsebenzi izowenza ngendlela,” kusho uMnu Bukhosini.
Lesi sikhumulo kulindeleke