Unephupho lokuvula ibhange labamnyama
Uchushisa abantu ngokutshala imali
UZINIKELE ekuthuthukiseni, ekufundiseni nasekuqinisekiseni ukuthi abantu amampisholo bayayiqonda futhi kabakwesabi ukukhuluma ngezindaba zokwakha imali usomabhizinisi ozakhele igama esemkhakheni wezobu-chwepheshe kodwa osegxile kowezimali.
UMnu Siboniso Mtshali (35), odume ngelikaMr IT kwabaningi, ungumnikazi wezinkampani ezintathu athi umsebenzi wazo wukuhlomisa abantu abamnyama ngolwazi lwemali. Zifundisa ngokutshala imali, ukuhweba amasheya, wukuthenga izindlu nemihlaba.
Zibuye zifundise ukusiza ukukhipha ezikweletini labo asebevele ngekhanda baze balahlekelwa yithemba.
Izinkampani zale nsizwa ezalwa eMnambithi yi-ImpiRand Managers, ImpiDebt neBlaqprop kanti zontathu zisebenza ngaphansi kwayo yonke le mikhakha. Ngaphansi kweMpiRand, yilapho efundisa khona ngokuhweba ngamasheya, ukutshala imali, aphinde abe nabantu abangaphezulu kwezi-3 000 atshala nabo imali ethile uma kuqala unyaka.
Baba nomgomo abazibekela wona ukuthi kuzophela unyaka sebenemali ethile. Lokhu bakwenza ngokuthi uMtshali abafundise ukuhlaziya izimakethe, aphinde abaluleke nsukuzonke ukuthi bangathenga uma sekunjani nokuthi badayisa nini.
“Lolu hlelo siluqale ngonyaka odlule, sifake u-R10 000 umuntu eyedwa senza i- portfolio. Ngaleyo mali sithenge amasheya ebesiwadayisa sibuye sithenge amanye sagcina senza imali engaphezulu kuka-R148 000 ekupheleni konyaka (ngoR10 000 owodwa).
“Bakhona abangene ngemali engaphezulu benza inzuzo enkulu, bakhona nabangene ngencane benza inzuzo ehambisana nemali abayifakile. Lapha siyahlangana ngibaqeqeshe ngezimakethe nokuthi zisebenza kanjani.
“Ngiphinde ngibeluleke uma kukhona okwenzekayo okuzokuba nomthelela ekutheni irandi lehle noma lenyuke,” kusho uMnu Mtshali.
Uthi ngenyanga edlule nje ngesikhathi kuphuma umbiko wabakwaViceroy ngebhange uCapitec, bethi lingumashoni- sa, bese bevele bewadayisile amasheya abo ngoba uqale
Ungakwazi ukuthenga umuzi ungawukhokheli iminyaka engu-20...