Uxhonxe ingane ngemfologo esikoleni
Kunyatheleke uthayela zidlala
UYAVEVA ngenxa yesihluku esikhonjiswe enganeni yakhe ixhonxwa ngemfologo ngowesifazane odayisa oGazini Primary School oBonjeni, enyakatho-mpumalanga yeKwaZulu-Natal unina womfundi wakulesi sikole.
UNkz Nqobile Nhleko (33), ongunina kaWandile Nhleko (10), ( osesithombeni) owenza uGrade 4 oGazini, uthi akaboni ukuthi umntanakhe uzoqhubeka nokufunda kulesi sikole emuva kwalesi sigameko esenzeke ngoLwesine.
Echaza ngokwenzekile, uNkz Nhleko, uthi indodana yakhe ibidlala nezinye izingane ngesikhathi sekhefu kanti omunye wabebedlala nayo uzonyathela uthayela oseduze kwalapho kudayisela khona labo mama. Umsolwa uvele wasukuma wajaha uWandile wamxhonxa ngemfoloko ekhanda, ngokusho kukaNkz Nhleko.
“Ingane ifike ekhaya igxiza igazi ikhala. Ngiyiyise kudokotela wathi ilimale kanzima ekhanda. Selokhu senzekile lesi sigameko, lo mama oyilimazile akakaze afike ekhaya ukuzokhuluma nami ngalesi senzo, kuyacaca ukuthi ubevele eqondile ukuyilimaza ingane ngoba kangikholwa ukuthi uma ubeqonde ukuyikhalima ekugangeni ubengaze ayishaye ikhanda.
Ikhanda libucayi kabi, liyisimumathalwazi ( computer) somuntu, liphethe yonke into,” kusho uNkz Nhleko. Uthi selokhu senzekile lesi sigameko ingane isiyesaba ukuya esikoleni ngendlela ehlukumezeke ngayo.
“Nakuba icala silivulile emaphoyiseni kodwa lo mama usa- qhubeka nokusebenza.
Ngifisa sengathi umnyango ungalusukumela lolu daba baphenywe nalabo mama abafika sebebangamabhoklolo nje ezinganeni zethu ukuthi banawo yini amaphephamvume okudayisa ezikoleni.
Izingane zethu ngeke zisakwazi nokukhululeka zidlale njengezingane ngoba bona kabawufuni umsindo,” uMnyango WezeMfundo KwaZuluNatal, uMnu Kwazi Mthethwa, uthe bewumnyango ngeke bakuvumele ukuhlukunyenzwa kwezingane noma yingaluphi uhlobo ezikoleni.
“Kuyajabulisa ukuthi udaba selusemaphoyiseni, sethemba ukuthi othintekayo uzothathelwa izinyathelo zomthetho.
“Kuyicala elibomvu ukushaya umfundi, ngingasayiphathi eyokushaya ngenhloso yokulimaza. Izingane zesikole siyaziphakela siwumnyango, laba abadayisayo ungathola ukuthi kabanazo ngisho izimvume zokudayisa, okuseyicala nalelo.
Ziyaphakelwa izingane ezikoleni zaKwaZulu-Natal,” kusho uMnu Mthethwa.
Okhulumela amaphoyisa KwaZulu-Natal, uColonel Thembeka Mbhele, usiqinisekisile isigameko wathi bekungakaboshwa muntu njengoba amaphoyisa esaphenya.
Ingane ifike ekhaya igxiza igazi ikhala. Ngiyiyise kudokotela wathi ilimale kanzima ekhanda. Selokhu...