ISIDUMBU SENKOSI SIKHISHWE NGO-R450 000
Nobelamula uthelwe ngamachaphazelo naye washona
ISIHLUKU owesilisa ekhandwa ngamatshe waze wafa ngoba esolwa ngokweba umfanyana oneminyaka eli11 ubudala ePinetown, entshonalanga yeTheku ngoLwesibili ntambama.
Umphakathi obuthukuthele ugane unwabu, ungalawuleki, ubusola umufi, uMnu Mlungisi Nxumalo ngokuthi ungomunye wabantu abantshontsha izingane ngoba umbone eyivalele emotweni futhi eyibambe ngengalo, kukhombisa ukuthi ifuna ukudlubulundela.
Kuthiwa umphakathi kawuzange ubuze lutho uvele wangenela uMnu Nxumalo ngesibhaxu waze wambulala.
ILANGA lithole ngemithombo yalo engashayi eceleni ukuthi indaba isuke ngesikhathi uyise walo mfanyana ethintwa ngumakhelwane wakhe emtshela ukuthi ubona indodana yakhe etekisini ebheke ePinetown sekuntambama.
Kuthiwa uyise womfana ube eseyalela umakhelwane ukuba angabe esayidedela indodana yakhe, usendleleni uya kubona. Lolu cingo lukamakhelwane lungene esendleleni ehamba noMnu Nxumalo ajwayele ukuhamba naye njalo uma ephuma emsebenzini.
Kuthiwa uyise womfana ujikile wabuyela ePinetown eyomlanda njengoba kungaqondakali ukuthi ubeyokwenzani khona. Umthombo uthi uyise wengane uyifice isekhona indodana yakhe ePinetown, okuthe uma ingena emotweni yakhe yakhala ngendlala, yamcela ukuba ayithengele okuya ngasethunjini.
Kuthiwa uphumile emotweni eyothenga kwesinye isitolo esidayisa inyama ethosiwe washiya indodana yakhe noMnu Nxumalo emotweni. Kunele kwaba wukwehla kukayise emotweni, ingane yadlubulundela izama ukubaleka.
Umufi uzame ukuyibamba eyibuza ukuthi ibalekelani mayilinde uyise. Umthombo uthi kusolwa ukuthi ingane kukhona lapho ibifuna ukuya khona njengoba iphazanyiswe wukubonwa ngumakhelwane etekisini.
Umthombo uthi uyise wengane uphume esitolo sokudla sekungungwe imoto yakhe, umphakathi uyiketule wayibhekisa phezulu ucabanga ukuthi yimoto yabasolwa.
UMnu Nxumalo ubeseshonile. Kuthiwa ingane ibingasabonwa ngaleso sikhathi, isibalekile. ILANGA lithole ukuthi kugcine kushone abantu ababili kulesi sigameko njengoba kuthiwa kunomunye wesilisa othole amachaphazelo ngesikhathi ezama ukulamulela uMnu Nxumalo.
Umphakathi ubumsola ngokuthi uhambisana nabantu abantshontsha izingane, wa
mshaya kodwa wakwazi ukuphunyula abaleke. Kuthiwa kugcine ngokuba ashonele kwi- ambulance elimele kanzima.
Okhulumela amaphoyisa KwaZulu-Natal, uCol Thembeka Mbhele, usiqinise- kisile lesi sigameko wathi kushone abantu ababili abahlaselwe wumphakathi ubasola ngokweba ingane. Uthi amaphoyisa avule amacala amabili okubulala.
Amaphoyisa acele kunoma ngubani ongasiza ukuthola izihlobo zalona wesilisa olinganiselwa eminyakeni engama-40 naye oshonile elamula. Ubegqoke ibhulukwe le- jean eluhlaza nesikibha esimpunga. Ongaba nolwazi angathinta umphenyi wecala, uDetective Warrant Officer Mwandla kwethi: 078 700 6659 noma Crime Stop ku: 08600
Imoto yakhe iketulwe yabhekiswa phezulu.