Akucaci ngekusasa lomsakazi wokhozi
AKUKACACI ngekusasa lesilomo esiwumsakazi wokhozi FM, ukhathide "Tshathugodo" Ngobe (osesithombeni), osamisiwe namanje emoyeni.
Sekuphele amasonto amathathu lo msakazi engazwakali emoyeni ngemuva kokuba emisiwe.
Izolo ngomgqibelo unkz Mmoni Seapelelo ongumkhulumeli WESABC obambile, utshele ILANGA Langesonto ukuthi namanje utshatha akukahlelwa ukuba abuyele emoyeni.
“ISABC nokhozi FM bangathanda ukunikwa ithuba lokuphothula uphenyo ngokohlelo nemigomo yangaphakathi,” kusho unkz Seapelelo.
Utshatha uzifake enkingeni ngemuva kokubhala ezinkundleni zokuxhumana ukuthi ngo-2005, ingoma kashwi nomtekhala ethi, “Ngafa” kwakumele ihlukanise unyaka okhozini FM, kodwa kwangenzeka ngoba abaphathi bangaleso sikhathi, babengakholelwa ekutheni ingoma kamasikandi ingahlukanisa unyaka, kwagcina kuvunyelwene ngokuthi unyaka uhlukaniswe yingoma yemalaika ethi, “2 Bob”.
Izolo izinduna ezimele abalandeli bakamasikandi zikhiphe isitatimende, zikhalela utshatha ESABC, zathi lixhoshwa libhekile.
Lesi sitatimende esithunyelwe ngumhlengemali Mthembu egameni lezinduna sithi: “Singabaholi babalandeli bakamasikandi futhi singabalaleli bokhozi FM, siphatheka kabi ngokubona kuqhubeka isikhathi utshatha engabuyeli emoyeni.
"Asiphikisani nenqubomgomo yale nhlangano kodwa sicela imzwele ngoshwele. Ukumiswa kwakhe kithina njengamabhinca kufike ngesikhathi esibi, sisazikhotha amanxeba ngenxa yokudlula kukababa uwelcome “Bhodloza” Nzimande.
"Ithemba lethu selikulo msakazi ukuthi nguyena osengakwazi ukuthatha umculo kamasikandi awubeke kwelinye izinga. Sithi yobe, alikho isoka elingenasici.”
Kulesi siteshi somsakazo utshatha usakaza uhlelo lwasekuseni, “Isidlo Sasekuseni” ngokubambisana nonongcebo Mckenzie, abuye asakaze olukamasikandi usgiya Ngengoma, olungena ngomgqibelo, alushayela ngokubambisana nozimdollar Biyela.