VUKA UZITHINTITHE:
PASTOR: Ngisothandweni olungihlukumezayo. Lo mlisa unentombi ahlala nayo. Kumanje le ntombi ivele iqambe amanga ithi mina ngiyithumelele imiyalezo ngiyethuka.
Umlisa akakuboni lokho uvele abhokele mina. Ngiyamthanda, akavumi ukuphuma enhliziyweni yami, ngabe kade ngimshiyile. Ngibekezele?
Impendulo:
Dadewethu ngale nje kokukhuluma kakhulu nali iqiniso okufanele ulazi kwezothando, akekho umuntu ongakhuluma kahle ngembangi yakhe esokeni. Ukuqonda nje ngqo enkingeni obhekene nayo, lo sisi uzama ukukukhipha enhliziyweni yendoda.
Ukuba besibeka ngolimi lwesizulu besiyothi uyakunyundela. Vele uma nibanga isoka kuyanyundelwana. Ukuba bekuthiwa benisesithenjini nobabili cishe ubeyokushaya ngesichitho ukuze indoda ingakufuni.
Ungakhohlwa-ke wukuthi vele uma esuke ekhuluma ngawe usuke ekwesaba (otsotsi bathi uyakushiyeka). Ngelinye ilanga ngiyoke ngikhulume ngomehluko phakathi kothandayo othandweni nomuntu oncengile othandweni. PASTOR: Ngenyanga ephelile ngicishe ngathatha isikhali ngalimaza abantu ngasemsebenzini. Indaba iqale ngokuba umphathi angayivuseleli inkontileka yami njengoba njalo emuva kwezinyanga ezintathu siyavuselela.
Ozakwethu babizwa bonke basayina mina umphathi wathi ngeke angivuselele.
Ngokulandelela ngagcina ngithola ukuthi unikwe uhlu ngamashopsteward athile ngoba sekunabantu abathathu besifazane abajola khona ngaphakathi enkampanini.
Pastor, cishe ngathatha isikhali ngayobalinda ngasemsebenzini ukuze ngiqede ngabo kodwa-ke ngabuye ngazibamba, kumanje ngihleli. Kuthiwani uma kunje empilweni?
Impendulo:
Asibonge mfowethu ukuthi awuzange uvumele inhliziyo, awubanga unhliziyo hluthu ngoba bonke abantu abahluthukelwa yizinhliziyo bagcina emajele. Injalo-ke impilo mfowethu, cishe iqiniso uyolifica ezulwini kuphela.
La empilweni - kungaba yisemakhaya, kungaba yisemisebenzini futhi nasezinkonzweni nasemphakathini jikelele sibhekene nezinkinga, impilo iyizo nje izinkinga ngeke wahlukanisa impilo nezinkinga nokuphoxeka. Mfowethu wenza kahle wazibamba ngoba akusho ukuthi empilweni uma izinto zingahambi kahle sekufanele kushaywe umuntu noma sekufanele kubulawe umuntu, impilo ayithathwa kanjalo.
Udaba lwakho lwasemsebenzini ngeke ngazi kahle ukuthi isivumelwano sakho nabaqashi bakho sasithini, kungaba yingozi kimi ukukhuluma ngodaba lwasemsebenzini wakho ekubeni ngingenalo ulwazi lokuthi zazithini izivumelwano zenu.
Uma waqashwa ngomlomo kulula ukuxoshwa ngomlomo kodwa uma waqashwa ngephepha akulula ukuxoshwa ngomlomo.
Ngiyafisa ukuba ubuyekeze ukuthi sasitheni isivumelwano sokuqashwa kwakho. futhi owenza izinto ngendlela yakhe thina bantu siyaye sithi uyazitshela.
Phela abantu bayaye bafune ukuthi ubhukude odakeni ababhukuda kulo. Uma kungukuthi wena nje wenza izinto ezifanele futhi ezinhle khululeka, ungabanaki abantu, bayazikhulumela nje futhi abasoze bayeka ukukhuluma.
Iyodwa into engadala ukuba abantu bayeke ukukhuluma kakhulu, yingamhla unkulunkulu wenza ukuba singabantu sikhulume ngoba sifakwe ikhadi likagesi.
Kuvalwa ama-geyser, kucishwe ama-radio, sicishe izibani ngoba songa ikhadi likagesi. Mhla kwafika isikhathi sokuba abantu bakhulume ngoba befake amakhadi kagesi ziyoncipha izindaba, kwehle inhlebo. sengize ngathola nomsebenzi o- permanent kodwa ukujabula akusekho ngoba umndeni wami wahlakazeka, ngiqalephi Pastor?
Impendulo:
Mfowethu indoda yenza njalo-ke ukuba ibone amaphutha ayo futhi vele nje empilweni sifunda ngawo amaphutha. Asikubongele ukuthi wena kuhambe kwahamba wawabona amaphutha akho. Kuhle-ke lokho okwenzile ukuba ubone ukuthi utshwala bukonele izinto zakho.
Phela utshwala babenzelwe ukuzithokozisa hhayi ukuba uphile ngabo.
Kumele uqale uzilungise wena mfowethu. Kulolu daba lomndeni wakho izinto azilungi kanye kanye, namaqabunga esihlahla awawi kanye kanye ebusika. hambile nempilo futhi sengiwubonile umhlaba, ayikho into exabanisa njengemali emhlabeni.
Ngokuvama ubothi nxa unika isithandwa sakho imali uzitshele nje ukuthi uyasipha ngoba leyo mali ingabuya futhi ingangabuya.
Uma ithuka leyo mali ibuya kuyoba yibhonasi leyo kuwe.
Ayikho into enzima emhlabeni njengokubuyisela isithandwa sakho into esakuboleka yona.
Umuntu ngumuntu, ngeke ashintshe. Umuntu umboleka ngezandla uma usiyilanda uyilande ngezinyawo, usumbuza kubantu ugijima umjaha, uhambe ubuza ukuthi abambonanga yini. Uyinkosi uma usamnika kodwa uwusathane uma usuyicela.
Kubo bonke abafundi bephephandaba lethu ILANGA, siyafisa ukuba sisizane futhi ngiyafisa ukuniphendula nonke kepha ngebhadi ucingo noma inombolo iyodwa ngakho akulula ukunibamba nonke.
Uma ufona uyizwa ikhala, ngesinye isikhathi ngisuke ngisakhuluma nomunye. Nixole kuleyo ndawo kodwa ngokushiya nje umqhafazo, siyakubeka nasemkhulekweni.
Upastor Sthembiso Zondo ngumeluleki nomethuli wezinkulumo ezakhayo. Wethula inkulumo ekhuthazayo ngolwesine bese ephendula imibuzo yabafundi ngezinkinga zempilo nezothando KWILANGA Langesonto. Abafuna ukuxhumana noma ukummema, inombolo ithi: 078 419 1024. Ungamshiyela nomyalezo kufacebook: Sthembiso Zondo Fan page noma kuwhatsapp: 082 070 8034. Abafisa ukukhonza nathi, bazosithola njalo ngesonto ngo-11h00 ejewish Hall enkabeni yedolobha.