Maklik vir die kosblik
Hier is vyf supermaklike kospakkies – lekker en vullend genoeg om die kleinspan deur pouse tot ná sport aan die gang te hou
KOSBLIK 1 POUSE TORTILLAEIERBAKKIES
LEWER 6 BAKKIES BEREIDING: 15 MIN. GAARMAAK: 40 MIN.
6 snoepery-tortillas (sowat 10 cm groot) 250 ml (1 k) gerasperde kaas
200 g ham, in blokkies gesny
150 g babatamaties, gehalveer
6 eiers, geklits
250 ml (1 k) melk sout en peper na smaak
Voorverhit die oond tot 180 °C. Bespuit 6 holtes van groot muffinpanne met kossproei.
1 Vou elke tortilla in ’n kwart. Plaas dan een in elke muffinbakkie en vou dit half oop sodat dit ’n bakkie binne-in die muffinbakkie vorm. Druk dit dan vas. 2 Sprinkel ’n bietjie kaas oor elkeen. 3 Verdeel die ham en tamaties tussen die bakkies en sprinkel die orige gerasperde kaas bo-oor.
4 Klits die eiers en melk saam, geur met sout en peper en giet oor. 5 Bak 40 min. of tot die vulsel gestol is. Koel af en verkoel tot benodig.
Jy kan ook filodeeg, in groot vierkante gesny, gebruik om die bakkies te maak.
NÁ SKOOL
’n Lae-GI-broodjie met grondboontjiebotter (sonder suiker) en skyfies piesang.
KOSBLIK 2 POUSE
KAASFRIKKADELLETJIES
LEWER 25 KLEIN FRIKKADELLETJIES BEREIDING: 20 MIN. GAARMAAK: 15 MIN.
2 eiers
125 ml (½ k) water
250 ml (1 k) broodkrummels sout en peper 500 g maalvleis
250 ml (1 k) fyngekapte of gerasperde groente soos wortel en spinasie
125 ml (½ k) gerasperde kaas olie om in te braai
1 Klits die eiers en water saam, voeg die broodkrummels by en laat 5 min. staan. Voeg die res van die bestanddele by en meng goed.
2 Vorm in balletjies en braai in vlak olie tot bruin en gaar.
3 Laat heeltemal afkoel en verkoel.
4 Sit voor saam met ’n jogurt-en-mayonnaisemengsel en ryskoekies, indien verkies.
NÁ SKOOL
Vrugtejogurt met opgesnyde vrugte; ryskoekies.
KOSBLIK 3 POUSE
Toevourolletjie met vulsel van gerookte hoender, gerasperde wortel en mayonnaise; vrugte.
NÁ SKOOL
HAWERMOUTBLOKKIES
Dié resep is ’n variasie op outydse crunchies.
LEWER SOWAT 18 BLOKKIES BEREIDING: 10 MIN. BAK: 30-45 MIN.
250 g dadels, fyngekap (of vervang die helfte daarvan met bosbessies en/of gekapte Turkse appelkose) 375 ml (1 k) hawermout 125 ml (½ k) klapper 125 ml (½ k) gemengde sade
125 ml (½ k) klipgemaalde witbroodmeel 5 ml (1 t) koeksoda
5 ml (1 t) kaneel ’n knippie sout
30 ml (2 e) olie
30 ml (2 e) heuning 60 ml (¼ k) gesmelte botter of klapperolie 125 ml (½ k) lemoensap, melk of tee
Voorverhit die oond tot 180 °C. Smeer ’n vierkantige koekpannetjie, 20 cm in deursnee.
1 Meng die droë bestanddele goed.
2 Meng die nat bestanddele.
3 Voeg bymekaar, meng goed en druk in die pannetjie vas.
4 Bak 30-45 min. tot goudbruin en gaar. Laat heeltemal afkoel en sny in blokkies of skyfies.
KOSBLIK 4 POUSE
Saadbroodrolletjie met vulsel van tuna-mayo en blaarslaai.
NÁ SKOOL
MIELIEPASTABLOKKIES
LEWER SOWAT 20 BLOKKIES BEREIDING: 15 MIN. BAK: 40 MIN.
6 eiers, geklits
125 g gebraaide, gekapte spek
1 klein ui, gerasper
250 ml (1 k) gaar macaroni 400g-blik geroomde mielies of die helfte daarvan pitmielies
250 ml (1 k) gerasperde cheddarkaas paprika vir bo-oor sprinkel
Voorverhit die oond tot 180 °C. Smeer ’n vierkantige koekpannetjie, 20 cm in deursnee.
1 Meng al die bestanddele buiten die paprika. 2 Skep in die koekpannetjie, druk gelyk en sprinkel die paprika oor. Bak 40 min. tot gestol, laat afkoel en sny in blokkies.
Dié blokkies vries lekker. Nadat dit afgekoel en gesny is, kan jy dit in die vrieskas bêre. Haal uit en laat ontdooi soos jy dit nodig kry.
KOSBLIK 5 POUSE
KAAS-EN-TUNAMUFFINS
LEWER 10 MUFFINS BEREIDING: 15 MIN. BAK: 15-20 MIN.
200 g volkoringbruismeel 100 g cheddarkaas, gerasper
100 g spinasie, gekap, of murgpampoentjies (opsioneel)
100 g tuna, gedreineer 1 eier
60 ml (¼ k) olie
160 ml (²⁄₃ k) melk
5 ml (1 t) paprika sout en peper
Voorverhit die oond tot 180 °C. Plaas papierbakkies in 10 holtes van ’n middelslagmuffinpan.
1 Meng die meel, kaas,
groente en tuna.
2 Klits die eier, olie en melk saam en geur met paprika, sout en peper. Meng met die meelmengsel. 3 Skep in die papierkoppies en bak 15-20 minute tot ’n toetspen skoon uit die muffin kom.
Kan ook gevries word.
NÁ SKOOL
SJOKOLADEGRONDBOONTJIEBOTTERKOEKIES
LEWER 18-20 KOEKIES BEREIDING: 10 MIN. BAK: 15 MIN.
250 g grondboontjiebotter, suikerloos
20 g kakao
1 eier 80 g bruinsuiker
5 ml (1 t) koeksoda versiersuiker om in te rol heel grondboontjies vir versiering
Voorverhit die oond tot 180 °C. Smeer 2 bakplate.
1 Meng al die bestanddele buiten die versiersuiker en heel grondbone. 2 Skep 15 ml (1 e) deeg uit met ’n maatlepel en rol dit in ’n balletjie. Rol dit dan in versiersuiker. 3 Pak op ’n bakplaat en druk effe plat met ’n vurk. Plaas heel grondbone bo-op en druk liggies vas.
4 Bak 15 minute tot gaar. (Die koekies sal steeds sag wees.) Laat afkoel op die bakplaat. Pak dit dan op ’n afkoelrak en laat heeltemal afkoel. Bêre die koekies in ’n lugdigte houer. ■