’HY HET GEVRA OF EK CLARA SAL SPEEL EN NATUURLIK HET EK JA GESÊ’ – MACKENZIE FOY
DIÉ D OPKOMENDE STER IS AL VAN KLEINS AF IN HOLLYWOOD BEDRYWIG. NOU HET SY HAAR EERSTE HOOFROL
VELE TALENTE
Mackenzie hou van skilder en het duidelik ritme! Sy’s opgelei in ballet, jazz en klopdans. Sy’t boonop ’n swart gordel in die gevegkuns taekwondo.
DEURBRAAKROL
Lyk haar gesig bekend? Dit behoort. Mackenzie het Bella (Kristen Stewart) en Edward (Robert Pattinson) se dogter, Renesmee Cullen, in die laaste twee Twilightflieks gespeel. Sy was toe net 10 jaar oud.
KLEINTYD AL MODEL
Sy’t eers haar lyf model gehou voor sy aktrise geword het. Mackenzie (17), wat in Los Angeles grootgeword het, was net vier toe sy modelwerk vir modereuse soos Guess, Polo, Ralph Lauren en Gap gedoen het. Sy’t op nege begin toneelspeel. Sy is al aktrise in haar gesin. Haar pa, Andrew, is ’n vragmotorbestuurder en haar ma, Giorgina, ’n tuisteskepper.
DISNEYPRINSES
Mackenzie (17) is van 2 November in rolprentteaters te sien in haar eerste hoofrol as Clara. Haar karakter word na ’n geheimsinnige, parallelle wêreld weggevoer in die sterbelaaide Disneyfliek The Nutcracker and The Four Realms. “Ek was in die stort toe my ma in die badkamer inhardloop en sê Lasse (Hallström, die regisseur) is op die foon,” vertel sy. “Hy het gevra of ek Clara sal speel en natuurlik het ek ja gesê.”
WENNER
Haar talent word beslis raakgesien. In 2015 het sy die Saturnprys vir die beste toneelspel deur ’n jong akteur gewen vir haar rol as Murphy Cooper, Matthew McConaughey se dogter in die fliek Interstellar.