DIÉ WEEK SE WENRESEP

HAMBURGER MET SAMPIOEN-EN-BRANDRISSIESOUS

LEWER SOWAT 6 HAMBURGERS BEREIDING: 30 MIN. GAARMAAK: 10 MIN. (HAMBURGERKOEKIE); 7 MIN. (SOUS)

HAMBURGERKOEKIES 3 middelslag-uie, fyngekap 1 knoffelhuisie, fyngekap olyfolie 1 kg binneboudmaalvleis ( topside) 1 eier 30 ml (2 e) worcestersous sout en vars gemaalde peper 200 ml braaisous 6 snye verouderde cheddarkaas SAMPIOENSOUS 1 ui, gekap olyfolie 460 g sampioene 250 ml (1 k) room 250 ml (1 k) dubbeldik jogurt sout en vars gemaalde peper BRANDRISSIESOUS 200 g brandrissies, fyngekap 1 suurlemoen se skil en sap 3 cm-stuk gemmerwortel, geskil en in stukke gekap sowat 6-8 knoffelhuisies, geskil en gekap sout na smaak 60 ml (¼ k) olyfolie SAMESTELLING 6 slaaiblare, 2 tamaties, in skyfies gesny 6 sesamsaadrolletjies, gehalveer en gesnyde kante gerooster

1 Hamburgerkoe

kies Braai die uie en knoffel in ’n pan met verhitte olyfolie. Plaas eenkant om koud te word. 2 Meng die maalvleis, eier en worcestersous met die uie-enknoffelmengsel. Geur met die sout en peper. 3 Vorm hamburgerkoekies van sowat 2 cm dik en pak op ’n bakplaat. Plaas in die yskas terwyl die res van die souse berei word. 4 Braai die koekies in ’n warm gietysterriffelpan (of oor kole); moenie heeltyd draai nie. Braai eers 4 min. aan die een kant, draai om en smeer die gebraaide kant met braaisous. Braai nog 4 min., draai om en smeer met braaisous. 5 Draai nog een keer om en plaas die kaas bo-op om te smelt. 6 Sampioensous Braai die ui in ’n pan met olyfolie en voeg die sampioene by. Braai tot gaar. 7 Voeg die room, jogurt, sout en peper by en kook om te verdik.

Brandrissiesous

Plaas die fyngekapte brandrissies, suurlemoenskil en -sap, gemmer en knoffel in ’n klein voedselverwerker, voeg die sout na smaak by en kap fyn. Voeg die olie by en meng deur.

Samestelling

Plaas ’n slaaiblaar en tamatieskyfie op die onderste deel van die hamburgerrolletjie. Plaas die hamburgerkoekie bo-op en skep van die sampioensous oor. Rond af met ’n skeppie brandrissiesous en plaas die boonste deel van die hamburger bo-op.