JOU STERRE
RAM
21 MRT – 19 APR Jou planeet, Mars, beweeg by jou geldhoroskoop in en maak dit nou die ideale tyd om op jou geldsake te fokus. Die handelsgod, Mercurius, beweeg ook nou by jou teken in. Bedink planne om daaruit munt te slaan, maar vermy haastige besluite en pogings om vinnig ryk te word. Kyk liewer weer na jou begroting en versterk jou posisie met verstandige besluite. GELUKKIGE NOMMERS 25, 24, 31, 33, 22, 16
BUL
20 APR – 20 MEI Die energieke Mars gaan jou teken binne en spoor jou aan om van die rusbank af op te staan. Jy kan jou maklik aan ryk kosse vergryp, maar dit kan verskuilde gevare inhou. Gebruik jou nuwe energie om aandag aan jou liggaamlike toestand te gee – nie net om jou middel in toom te hou nie, maar om jou liggaam, gees en verstand te verkwik. GELUKKIGE NOMMERS 20, 12, 21, 18, 41, 17
TWEELING
21 MEI – 20 JUN Dit het weer tyd geword om aan die toekoms te dink en jou langtermyndoelwitte en wense te bekyk. As Tweeling voer jy bes moontlik heelwat planne in die mou, maar party daarvan kan bloot hersenskimme wees. Maak seker jou doelwitte is haalbaar en moenie tyd op onpraktiese idees verkwis nie. Met die son wat jou loopbaanhoroskoop steeds verlig, moet jy nou jou drome nastreef, veral dié vir jou beroepslewe. GELUKKIGE NOMMERS 8, 2, 14, 34, 47, 23
KREEF
21 JUN – 21 JUL Mercurius, die planeet van netwerke, beweeg hierdie week by jou loopbaanhoroskoop in. Dit beteken jy moet sosiaal verkeer en oral gesig wys as jy in jou loopbaan wil vorder. Dit is nie ’n week vir in jou dop inkruip nie. Dit kan voordele inhou as jy bande hernu met medewerkers van wie jy lank laas gehoor het. Doen moeite en soek ’n paar ou bekendes weer op. GELUKKIGE NOMMERS 5, 32, 26, 27, 49, 46
LEEU
22 JUL – 22 AUG Die proaktiewe Mars gaan jou beroepshoroskoop binne en belig jou loopbaandoelwitte. Haal nou alles uit en gebruik jou sjarme om jou posisie by die werk of in die gemeenskap te versterk. Mercurius, die planeet van die intellek, gaan ook nou ’n medevuurteken in, wat dit vir jou makliker sal maak om ander mense te inspireer of met jou energieke idees te beïndruk. GELUKKIGE NOMMERS 9, 37, 6, 40, 27, 16
MAAGD
23 AUG – 22 SEP Mars, die planeet van aksie, beweeg by ’n medegrondteken in en dit is goeie nuus vir ’n ywerige Maagd wat van praktiese projekte hou. Benewens jou dagtaak, is dit die ideale week vir ’n tuinmaak- of kunsvlytprojek wat jy wil bemeester. Hou ’n wakende oog oor beleggings wat jy saam met jou maat of ’n vennoot gemaak het. GELUKKIGE NOMMERS 48, 45, 19, 16, 18, 34
WEEGSKAAL
23 SEP – 22 OKT Mercurius, die planeet van kommunikasie, beweeg by jou liefdeshoroskoop in. Dit behoort die kommunikasie tussen jou en jou geliefde te vergemaklik. Dit is nogal ’n tydige wending, want Venus se terugwaartse beweging deur jou teken kan probleme in jul verhouding te voorskyn bring. Gelukkig verlaat die vurige Mars vandeesweek jou liefdeshoroskoop. Dit sal die weg baan vir gesprekke in ’n goeie gees. GELUKKIGE NOMMERS 13, 35, 29, 49, 10, 22
SKERPIOEN
23 OKT – 21 NOV Jou planeet, Mars, gaan dié week jou liefdeshoroskoop binne. Dit sal die liefdesvlam aanvuur en nuwe lewe in jul verhouding blaas, maar kan ook moeilikheid veroorsaak. Die liefdesgodin, Venus, is juis ietwat iesegrimmig. Trap dus fyn en verseker dat geen misverstande ontstaan nie. Moet ook nie dat wantroue die oorhand kry nie, want jaloesie kan verwoesting saai. GELUKKIGE NOMMERS 39, 1, 28, 46, 36, 11
BOOGSKUTTER
22 NOV – 20 DES Mercurius, die god van reis, beweeg vandeesweek by ’n medevuurteken in. Dis goeie nuus vir Boogskutters, wie se voete gedurig jeuk. Jy kan gerus ’n naweek weggaan of ’n daguitstappie onderneem om jou dwaallus te bevredig. Jou denke kan ook nou gestimuleer word sodat jy die groter prentjie makliker kan raaksien. Maak tyd vir toekomsbeplanning. GELUKKIGE NOMMERS 36, 7, 38, 47, 39, 42
STEENBOK
21 DES – 20 JAN Die proaktiewe Mars beweeg by ’n medegrondteken in. Dit pas so reg in die kraal van Steenbokke, wat graag aan die werk wil spring. Jy sal take gemaklik en op ’n verstandige en goed georganiseerde manier kan afhandel. Dit sal jou meer doeltreffend maak en jou werklas verlig sodat jy meer vrye tyd het. Gebruik die ekstra ure vir iets prettigs. GELUKKIGE NOMMERS 42, 43, 4, 23, 48, 13
WATERDRAER
21 JAN – 18 FEB As jy ’n tipiese Waterdraer is, het jy ’n sterk filantropiese streep, maar dié eienskap kan ook jou kontantvloei ’n knou gee. Dit is goed en wel om ’n helpende hand uit te reik, maar jy moet realisties wees oor jou geldsake. Veral in die middel van die week moet jy jou sente omdraai. As jy betroubare finansiële beginsels volg, kan dit op die duur vir jou bestendigheid verseker. GELUKKIGE NOMMERS 11, 44, 3, 41, 8, 5