Ikhansela lixwayise abaqola umasipala
IKHANSELA likaMasipala waseMhlathuze, kuWadi 27, uMnuz. Simphiwe Mzimela usedonse ngendlebe amalungu omphakathi ukuba ayeke ukuqola umasipala ngohlelo lokungcwabela abahlwempu.
UMzimela ukusho lokhu ngesikhathi ekhuluma emhlanganweni womphakathi waseJabulani, nase-Area 2, obuseNgwelezana Swimming Pool.
UMzimela uthe sekunomkhuba owenziwa ngabahlali, bafune ngesankahlu ukungcwatshelwa izihlobo zabo wumasipala, lokhu bekwenza ngokucasha ngokuthi nabo bayimindeni ehlwempu, kanti bafuna ukufeza izinhloso zabo.
‘Sesikutholile ukuthi baningi abantu abaqola umasipala ngokuthi, uma kade sibasiza ngokubangcwabela bese bona begijima beya ezinkampanini zemishuwalense, sebeyokhipha lemali yemingcwabo yezihlobo zabo.
‘Lokhu ke sikuthatha njengobugebengu nokuqola umasipala, okusezingeni eliphezulu.
‘Ake ngiyichaze lento, umasipala akanalo uhlelo lokungcwabela abantu, kodwa ngoba siwumasipala onakekelayo, siyaselula isandla kuleyomindeni ehlwempu ngempela, engathathi ntweni.
Ngeshwa loluhlelo lwethu oluhle, kukhona asebeluxhaphaza,’ kuxwayisa uMzimela.
Inkulumo kaMzimela yenanelwe nayisisebenzi sikamasipala, uNonjabulo Luthuli, othe iqhaza labo ligcina
Isisebenzi sikamasipala uNonjabulo Luthuli ecacisa ngohlelo lokungcwaba. Eduze kwakhe nguMnuz. Arthur Mtshali oyilungu lekomidi
ngokhokhela umgodi, bathenge ibhokisi, bese belanda isidumbu lapho esishonele khona, siyiswe emakhazeni, bese sisuswa emakhazeni siyiswe ekhaya noma emathuneni.
Lomhlangano ubuye wabhunga ngezindaba eziqondene nohlelo luka Operation Sukuma Sakhe (OSS), ukulungiswa kwemigwaqo, nokuqoqwa kukadoti, futhi ubuhanjelwe yizikhulu zikamasipala. City to stop burial assistance fraud