Walay kausaban human sa EDSA I?
Walay klase ug walay trabaho karong adlawa, Lunes, Pebrero 25. special non-working holidy busa dunay 30 porsiyento nga ipuno sa suweldo sa moptrabaho karon.
Gisaulog sa tibuok nasod ang ang ika-33 ka tuig anibersaryo sa EDSA People Power Revolution.
Sa batan-on, unsa kining EDSA People Power? Nganong gisaulog kini? Makahuloganon pa ba kini?
Niadtong Pebrero 23, 1986 dihang nagmartsa ang mga Pilipino sa dan EDSA sa kaulohan aron sa paghiusa nga tangtangan sa pwesto ang kanhi diktador nga Presidente Ferdinand Marcos.
Nagsugod ang demonstrasyon sa katawhan Pebrero 22 ug nilungtad kini niadtong Pebrero 25, 1986 diin nagmalampuson nga mapalagpot sa pwesto si Marcos ubos sa 21-tuig nga paglingkod isip presidente sa nasod.
Ang People Power Revolution ang usa sa nakapadayeg sa Pilipinas tibuok kalibutan tungod kay usa kini ka malinawon nga rebolusyon.
Karong adlawa, aduna’y lihok protesta ang pagahimuon sa nagkadaiyang multi-sectoral group diin magmartsa kini gikan sa Fuente Osmeña Rotunda paingon sa Colon.
Matod ni Jaime Paglinawan, BAYAN Central Visayas Chairperson nga aduna silay programa sa buhatan sa Police Regional Office (PRO) 7 bag-o sila mopaingon sa dan Colon.
Nihulagway usab kini nga 33-tuig na ang nilabay human ang EDSA People Power Revolution apan nagpabilin nga wala’y kausaban ang nasinati sa nasod.
Dugang niini nga nagpabilin nga ubos ang suholan sa mamumuo sa mga kawani ug daghang kabus.
Usa ning de facto martial law nga nasinati karon sa Mindanao nga gihulagway sa maong grupo nga wala’y kalahian sa kaniadto panahon sa diktadorya nga si Marcos.
Ang padayon nga militarisasyon sa Negros Oriental ug Bohol ug sa ubang parte sa nasod, pagpanghadlok sa sakop sa media ug mga aktibista pipila lang kini sa timaan nga pagpamig-ot sa gobyerno sa katawhan.
“Masinati ni pinaagi sa pulitikanhong pagpamig-ot batok activists, human rights defenders ug organizations nga ni-express og dissent sa kontra-katawhan nga palisiya nga implementar. Nakita pud ni sa padayon nga militarisasyon sa mga silingang probinsya sa Bohol ug Negros Oriental,” dason ni Paglinawan. /