Butane canister ilisan, gilusad na

Sugdan sa dili pa ang Disyembre karong tuiga ang pag-ilis sa upat ka mga butane canister ngadto sa usa ka refillable welded stainless steel cylinders.

Mao kini ang gianunsiyo sa Philippine Eco-gas Producer Cooperative (PEPC) atol sa pormal nga paglusad nila sa maong bag-ong produkto atol sa Cebu Federation of Beat Journalists (CFBJ) General Assembly kagahapon.

Matod ni Fe Potestas, usa sa board of directors ug secretary sa PEPC nga Disyembre, nga ang ilang target nga daghan na ang naggamit sa maong cylinder.

Dugang niini nga sugod sunod buwan sugdan na nila og baligya ang maong produkto sa Sugbo diin nagkantidad ang matag cylinder og P250 ug P35 ang refill.

“Kining sa PEPC, mao man ni ang una nga mobaligya sa Pilipinas, kini gyud ang paliton sa katawhan imbes atong butane canisters. Ilisan na nila suma aning cylinders sa Philippine Eco-gas. It’s a safe alternative,” matod ni Engr. Saul Gonzalez, Visayas Field Officer Director sa Department of Energy.

Matod ni Sheila May Zenith, PEPC Gas consultant, nga sugdan dayon nila ang switching program nila diin upat ka butane canister ilisan nila og usa ka cylinder.

Apan giklaro ni Zenith nga iya sa PEPC Gas ang cylinder ug nahulog nga usa deposit amount ra kining P250.

Ubos sa Presidential Decree 1865 gihulagway nga illegal kining pag-refill og LPG sa mga cylinders nga di aprobado sa DOE.

“Refilling of liquefied petroleum gas cylinders without authority from said bureau, or refilling of another company’s or firm’s cylinders without such company’s or firm’s written authorization,” tipik sa balaod.

Nasayran usab nga nagkadaghan na ang biktima sa mga nabuthan niining nibuto nga butane canister.