Pesquera magpapili isip kongresista sa south district

“I am the better option so I am the one that lead them and bring their voice to the congress,” saysay ni Councilor Jocelyn Pesquera atol sa interview.

Si Pesquera nipadayag sa mga sakop sa media kabahin sa iyang pagdagan isip kongresista sa south district sa dakbayan sa Sugbo karong umaabot nga eleksyon sa 2019.

Gani si Vice Mayor Edgardo Labella, personal niyang giindorso si Pesquera ngadto sa Barug Team Rama aron irepresentar sa south district.

“What made me decide to run as representative sa south district sa congress it’s because kay karon murag kulang tag tingog sa konseho nga murag for so many years nga nawagtang si Congressman Tony Cuenco sa Kongresso, wa na gyud tay ingon pa mailhi ang Cebu City south,” matod ni Pesquera

Dugang ni Pesquera nga duna pay mga balaudnon nga ipangduso sa Kongresso ilabi na ang representation sa Cebu City mao nang kon hatagan siya og katigayunan nga moserbisyo sa katawhan una niyang iduso ang importanting mga balaudnon nga kinanghan sa katawhan.

“I really feel for our constituents in the south labi na gyud ako everyday ko nag-agi sa trapiko diha sa Shopwise so we really need a solutions sa atoang traffic congestion but not that stop gap nga measure lang, dili gyud ingon nga maka sulbad because ang dan nato ang existing highway six lanes karon hatagan lang ta og two lanes nga underpass and that project is the project of now congressman Bebot Abellanosa,” say-say ni Pesquera.

Sa laing bahin, si Kong. Rodrigo “Bebot Abellanosa” namahayag nga huwaton nila ang hukom sa katawhan atol sa eleksyon sunod tuig.