SUMBAGAY SA MALAYSIA
Inilog si Senator Manny Pacquiao atol sa iyang away karong udto batok ni Argentinian boxer Lucas Matthysse para sa World Boxing Association welterweight title didto sa Kuala Lumpur, Malaysia.
Base sa pustaanay sa online, ang $230 nga pusta para ni Pacquiao (59-7-2-39 KO) modaog lang og $100 samtang sa kampo ni Matthysse kon sila mosugal og $100 modaog og $190.
Si Pacquiao kinsa nibalik og katkat sa boxing ring usa ka tuig human siya gipilde ni Australian Jeff Horn pinaagi sa kontrobersyal nga unanimous decision niadtong Hulyo 2017 nanghinaot nga madugangan og laing world championship ang iyang resume’.
Si Pacquiao, 39 kinsa klaro na nga nilapas na sa iyang kabangis sa boksing apan
gihulagway gihapon sa mga tigpaniid nga ang kapaspas ug kahait sa iyang training maoy maggiya kaniya sa kalampusan batok ni Matthysse ,36, kinsa sama ni Pacquiao niagi na usab ang iyang kabantogan.
“I can already imagine the action inside the ring, I feel the pressure in this fight because I need to prove that I’m still there,” paghulagway ni Pacquiao sa iyang gibati.
“I have never predicted the outcome of any of my fights, but this training camp is special for many reasons. I am motivated. I am happy. I am hungry. I am excited to show the world a new Manny Pacquiao,” dugang sa Pambansang Kamao.
Kini maoy labing unang katkat ni Manny sa boxing ring nga wala ang iyang hall
of famer trainer nga si Freddie Roach ug niining punto-
ha, ang iyang kababata nga si Buboy Fernandez maoy nagtimon sa preparasyon sa kanhi kongresista sa Saranggani Province. Ang mga observer wala makumbinse sa kadaugan sa Argentinian boxer diin iyang gipalukapa si Tewa Kiram niadtong January kinsa wala pa say pilde sa ilang professional boxing record.
Ang kaabtik sa Pambansang Kamao ug iyang paagi sa pakig-away ibabaw sa ring maoy yawe sa iyang kadaugan sanglit si Matthysse adunay mga problema sa mga boksidor nga adunay kalidad sama kang Pacquiao.
Matod pa nga kinahanglan dili makighuygotodo si Pacquiao sa maong away sanglit si Matthysse adunay kusog nga kumo sa 140 libras ug iya kining nadala sa 147 nga timbang.
Si Matthysse nipaundang sa iyang duha ka kontra sa 147
pounds nga gihulagway nga delikado ang kahimtang ni Pacquiao, apan wala usab nila wagtanga ang posibilidad nga mopatigbabaw ang kahait sa kasinatian sa senador sa Pilipinas aron dag-on ang maong away.