Supak sa POSTPONEMENT

Daw gipul-an na ang mga tawo sa sigeng pag-oktaba sa Barangay ug Sangguniang Kabataan Elections nga ang piniliay adto ra untang Oktubre 2016 apan, ang komitiba sa House of Representatives gusto na usab nga lugwayan ang termino sa mga barangay

official sa ikatulong higayon.

Ipadayon ang election aron mahatagan og pagtagad ang mga botante. Mao bitaw nang democratic ang Pilipinas kay tungod makabuot sad ang mga tawo sa ilang gusto matag usa! - Rhafie Labesig

Ang ikatulong pag-postpone sa election usa kini ka political monopoly sanglit gipanglugwayan na usab og laing katuigan ang incompetent barangay officials,

pwera lang sa maayo ug tinuod nga niserbisyo. Ako supak tungod kay sa maong postponement na-deprived ang right to vote sa mga botante nga mopili sa ilang gustong lider.

- Gil Sulatorio Alang nako, maayo iuswag lang para makarealize ang mga tawo oug makapili sa tarong nga maoy palingkuron. Ang pag-postpone gitun-an na pag-ayo sa presidente aron ang ibutang sa barangay tarong ug dili tawo sa drug lord kay aron walay abuso.

- Dodong Waskin Kokoy Isip usa ka botante, uyon ko sa pag uswag sa eleksyon kay para maistudyuhan gyud sa mga kongresista ang maong lakang sa anti-dynasty

law nagpasabot kini dili na mamahimong manag uban ang usa ka pamilya sa paglingkod sa katungdanan.

- Lebro Aye Cejano Kon ako'y pangutan-on, duha akoang ikatubag. Dili ako uyon kon iuswag ang election para sa katawhan sa brgy. nga nagantos sa mga brgy. opisyal nga wala nagpakabana sa

basic services apan uyon ako nga iuswag ang election kon nagpakabana ang mga opisyal sa panginahanglan sa katawhan. - Dino Faelnar Kon kugihan ang kapitan ug barangay officials okay permi i-postpone apan, kon wala gani nahimo sa iyang barangay so makalagot kon mao ni ang perming iuswag. Kon unsa may hukom sa Kongreso wala na tay mahimo ana. - Vivo Gonzales

Una sa tanan, ang pag-exercise sa atong right to suffrage kay maayo kayo ni kay dapat kita makapili sa atong mga leader kay sila ang tingog sa katawhan. Ang pagsige og postpone sa election kay usa kini ka bati nga

example sa kabatan-onan ug mawala ilang higayon nga maka-exercise sa ilang pagpili sa representante sa ilang kaugmaon. - Jose Retuya Ituloy ang barangay eleksyon ug Sangguninang Kabataan eleksyon. Meron na naman kayong hidden agenda. - Marilou Isanan