Once in a lifetime
Dugay kong nakatulog anang gabhiona. Si Nick ra ang kong gihunahuna. Usahay mokalit lang kog smile. Ganahan gyud kaayo kong maghunahuna niya. Ingon gyud tingali ani ang bation kon mahigugma. First time pa kong nakasuway og byfriend. Sa hayiskol pa ko ug sa unang tuig ko sa college daghan ang nangulitawo nako apan wa guyd koy nagustohan nila.
Bag-ong working student si Nick sa university nga akong gitunghaan. Sa una pa lang gani kong pagkakita niya, morag natarantar na ang pinitik sa akong kasingkasing. Kanunay kong magpaatbang niya kanang magtrabaho siya sa campus, ug maatol sab nga wa koy klase. Motan-aw sab siya nako.
Kadaghan na mahitabo nga magkasugat ang among tinan-awan ni Nick. Unya magpahiyomay mi. Hangtod nga nagkaila ug nagkasuod mi. Usahay librehon ko si Nick sa esnak, ako ang mopalit ani canteen ug hilom ko kining ihatag nya.
Sa nadugay na namatikdan nako sa akong kaugalingon nga nahigugma ko kang Nick. Love sab diay ko niya kay nangulitawo man siya nako. Wa ko isulti niya nga anak kog dato kay basig maglikay na nuon siya. Ug kay love man nako siya, gisugot ko dayon si Nick. Malipayon mi sa among relasyon. Hilom ming magkita sa eskol. Apan nahibaw-an gyud diay nila ni Carlo ug Lea nga nagkahinigugmaay mi si Nick.
Si Carlo nuon, mamisita gyud sa among balay. Sa akong paniid, tinarong ang iyang tinguha nako. Apan lagi, unsaon ta man nga di man nako siya love. Close friend ni Lea si Carlo. Siya pa gani ang nag-bearer kang Carlo diri nako. Mao nga nasuko si Lea kay gi-basted ko si Carlo ug si Nick ang akong gisugot.
Pagka ugma, nakita ko si Nick nga naghinuktok sa usa ka bahin sa campus. Nagdala siyag silhig. Gikan tingali siyang nanilhig sa campus. Sa tan-aw ko niya, duna siyay gihunahuna pag-ayo. Magulanon ang iyang nawong. Giduol ko siya. Nakamatikod siya nako. Apan nahibulong ko kay wa man lang siya mosmile nako. Igo lang ko niyang gipasiplatan.
Mitupad kog lingkod kang Nick. Konkretong lingkoranan ang iyang gilingkoran nga makaigo ang duha ka tawo sa paglingkod.
“Anak ka man diay og dato, Yeng. Di ko angay nimo.”
Wa dayon ko makatingog.
(SUMPAYAN)