NMIGINHAWA DIHANG ILUBONG
Ang nagbangutan nga pamilya sa 24 anyos nga lalake nahingangha dihang ilang nadiskubrehan nga buhi siya pipila ka gutlo una siya gibutang sa lungon.
Si Watson Franklin Mandujano Doroteo gideklarar sa mga doktor nga patay sa Contigency Hospital sa Tingo Maria, Peru human gihilanat nunot sa pagpaubos niya sa surgery sa iyang ngipon.
Ang 24 anyos nga si Doroteo giandam iyang lawas alang sa paglubong apan nahingangha ang iyang mga paryente dihang nabatyagan nilang naginhawa dihang paingon na siyang ilubong.
Nanawag silag doktor ug gikompirmar nga si Doroteo may kinabuhi pa hinungdan nga ang iyang lawas gipagawas sa lungon ug gidali siya sa pagdala sa hospital.
Apan, gideklarar ra usab siya nga wa nay kinabuhi dihang miabot sa tambalanan. Niini, ang iyang kabanay na- nawagan og hustisya sa nahitabo ug ang kapulisan nagpahigayon og imbestigasyon.
Si Doroteo nipaubos sa pagpatambal alang sa root canal sa usa ka clinic sa Aguaytia niadtong Oktubre 21, matod sa taho sa Los Andes nga gikutlo sa metro.co.uk.
Apan, gidala siya sa tambalan didto sa Tingo Maria dihang gihilantan siya ug nagkurog human sa gihimo nga surgery ug gipainom siyag tambal.
Gideklarar siya nga patay na apan gitumbok nga gipainom siyag daghang tambal. “They gave him diazepam,” matod sa paryente ni Doroteo nga nahinabi sa mantalaang El Comercio.
Wa masayri nga kon ang kapulisan nag-imbestigar sa mga doktor sa ilang pagpabaya o wa. /