Duterte milubad

ANGAYAN lang mabalaka si Presidente Rodrigo Duterte sa pagtibugsok sa resulta sa survey sa satisfactory rating nga gipahigayon sa Social Weather Station ( SWS ) ngadto nalang sa 48 porsyento.

Hinoon ang presidente mismo ang mabasol . Kay mogawas sa iyang baba ang kamandoan sa hugaw nga kampanya batok sa illegal nga drugas pinaagi sa pagpatay, pagka pala-away ug pagpanggukod.

Samtang di pa uwahi ang tanan. Sagupa ang mga kausaban nga maoy gusto sa katawhan, Sir!

Leksyon na kini sa presidente nga sa iyang kahawod ug di na motuo sa balaod maoy naka pamata sa 16 milyones nga mibotar kaniya nga di tanang gusto sa presidente ilang gipaboran.

Ug wa nako ikahibulong kay sa pipila ka mga buwan sa paglingkod ni Duterte, nag-sigi og kanaog di lang ang

satisfactory rating apil na ang popularidad ug ang pagsalig sa mga tawo mi-aslom.

Pirma na lagi og waiver, Mr. President, aron makita kon pila imong kuwarta sa bangko. Ingna sab imong pinanggang anak nga si Polong ipakita na ang tattoo.

Kay kon di gani nimo himuon paabota ang laing pagtibugsok sa imong rating sa umaabot nga mga adlaw.

Grabeng uwan

Gipahibawo sa weather specialist sa PAG-ASA nga makasinati ug grabing pag-uwan ang Sugbo, karong adlawa ( Miyerkules) ug sa mosunod pa nga mga adlaw.

Sama sa naandan pagbaha ug landslide ang mahitabo ilabi na sa mga lugar nga giila nga bahaan.

Magpaabot ta sa grabing kahuot sa dagan sa trapiko tungod sa tubig baha ug pagka palyar sa mga sakyanan?

Kon kini mahitabo maayo tingali ang Cebu City Government ug ubang mga LGU sa pagpadagan ug mga buses aron sa pagkuha sa mga matanggong nga pasahero. Tanod ni Kap Imok Unsa man nag praktis sa

extra judicial killing ang mga barangay tanod sa Barangay Ermita sa siyudad sa Sugbo?

Kini human ilang napatay ang miiskapong kawatan pinaagi sa pagpusil.

Ako nagduda nga gipagawas sa mga tanod ang dinakpan ug unya gipadagan dayon gipusil.

Apan gikinahanglang palawman ang imbestigasyon.

Way lalis kadaghanan sa mga barangay tanod dunay mga armas tungod sa karisgo sa ilang trabaho. Apan illegal kini.