You belong to me
Nahunong ang among pag-estorya ni Neena kay nahiabot na si Jeeno nga gikan sa CR. Milingkod dayon siya sa iyang gilingkoran ganina. Nagbalhin-balhin siyag tan-aw namo ni Neena.
“Morag seryuso ang inyong giestoryahan, da? Ako ba ang inyong gilibak?”
Mikatawa si Jeeno. Nagkatinan-away mi si Neena. Unya gipahiyoman ko si Jeeno.
“Yes. Ikaw ang among giestoryahan ni Neena, Jeen. But wa ka namo libaka.”
“Bitaw, Jeen. Nganong manglibak man mi nimo?”
Mi- smile sab si Neena dayong kupot sa kamot ni Jeeno nga gipatong ani sa ibabaw sa lamesa. Gitan-aw ko ang kamot ni Neena nga nagkuot sa kamot ni Jeeno. Wa kuhaa ni Jeeno ang iyang kamot. Gipasagdan lang niya si Neena sa gibuhat ani.
“Jokes ra tong ako, uy. Nakahibawo bitaw ko. Makahimo kaha mo paglibak nako nga buotan man ko ninyo?”
Di ko komportable kay sweet na kaayo si Neena kang Jeeno. Gigakos ni Neena ang bukton ni Jeeno.
“Kining, Jeen, Neen, mouna lang ko ninyo, ha? Thanko you sa esnak.” Gipasiplatan ko si Jeeno.
“Sige, Cristine. Padayunon pa namo ni Jeeno ang among date.”
Wa motingog si Jeeno. Iya lang kong gitan-aw dihang mitindog na ko. Nagdali kong migawas sa sa among gikanWa koy lingi-lingi kay di ko gustong motan-aw sa ka- sweet ni Neena kang Jeeno. Wa na gyud ko makasabot sa akong kaugalingon. Nagselos ba ko kang Neena? Ug nganong magselos man sab kuno ko, bi? Wa koy labot sa lovelife ni Jeeno? Hilom kong nagyawyaw.
Pagka gabii, wa koy tarong nga kinatulgan. Di mawala sa akong hunahuna si Jeeno ug ang ka- sweet ni Neena ani. Naunsa ba ko, uy? Makalagot gyud ning akong gibati ron. Nahigugma kaha ko kang Jeeno? Karon pa nako kini batia. Unya nahunahuna ko ang gikasabotan nila ni Mama, Papa ug sa mga ginikanan ni Jeeno.
Wa ko lang tuyoa nga nahunahuna ko kini pag-ayo.
Milabay ang mga adlaw. Wa na moteks si Jeeno nako. Wa na sab siya makigkita nako. Sus, kaayo gyung sumbagon sa akong kaugalingon, uy! Naunsa ba nga gibati ko man ang kamingaw kang Jeeno. Gusto ko siyang makita. Gusto ko siyang ikaestorya.
Unya, usa ka gabii, kalit nga namisita si Jeeno nako.