BRONER GIKULATA NI GARCIA

Minneapolis – Gipukan ni Miguel Angel “Mikey” Garcia si Adrien “The Problem” Broner pinaagi sa

unanimous decision sa ilang non-title fight kagahapon atubangan sa 12,084 ka mga

fan sa Barclays Center sa Brooklyn, New York.

Gikan sa sinugdanan hangtod nahuman ang katapusang hugna, ang 9th ug 10th round,

ang naangkon sa lumad nga taga Cincinnati, Ohio State nga si Broner samtang ang taga Moreno Valley, California nga Mexican-American nga si Garcia ang nag kontrolar sa kadaghanang round nga maoy nakakombinser sa tulo ka judges (117-111, 116-112 ug 116-112).

Hinuon walay nangatumba atol sa kumbate apan kini maoy ikatulong kapildihan

sa kanhi 4-division world

champion nga si Broner human siya napukan ni Marcos Maidana ug Shawn Porter sa nangaging mga tuig.

Nahagsa ngadto sa 33-3, 24 Kos, si Broner kinsa adunay $1 million nga premyo. Samtang pabiling undefeated si reigning WBC Lighweight king Garcia nga may 37-0, 30KOs nga aduna usay $1 million nga purse money.

Sa wala pa sugdi ang duwa nga hiniusang gidalit sa Mayweather Promotions ug Lou di Bella Promotions uban sa Showtime inilog nang daan si Garcia.

Si Garcia ang ningpukan pinaagi sa TKO kaniadto sa mga sikat nga boxers sama nila ni Pinoy fighter Bernabe Concepcion, Roman Martinez,

Juan Manuel Lopez ug Orlando Salido.

“This is definitely one of my best performances ever, Anybody that wants to come join us on Showtime, give us a call. We are ready for anybody,” pulong ni Garcia

atol sa post fight interview. “Maybe I’ll go down to 135, stay at 140 or go up to 147.” / Daniel Quindao Guden - US sports correspondent