REMATCH O MORETIRO?
I thought it was a close fight, it could’ve gone either way. There’s an argument for the fight being 7-5 Manny, 11th round was sort of close. I thought Manny gave away early rounds. Could it have been 7-5 for Manny? Yeah. But you can’t argue with the result. - Bob Arum, Top Rank promoter.
Gikonsiderar na usab karon ni eight-time world boxing
champion Manny Pacquiao ang pagretiro human sa iyang makapakaging ug kontrobersiyal nga kapidihan sa dili inilang Australian boxer nga si Jeff Horn.
Sa iyang paghiuli sa Pilipinas usa ka adlaw human tangtangi sa iyang World Boxing Organization (WBO) welterweight title niadtong Dominggo didto sa Brisbane, Australia, nisantop usab sa hunahuna sa 38 anyos nga Pacquiao ang pagsang-at na sa gloves alang sa iyang kaayohan. “I am also considering the opinion of people, the opinion of my family and my body,” matod ni Pacquiao sa television interview nga napatik sa GMA News Online niadtong Lunes sa gabii. “I plan to relax first and recover
from the pains in my body and then after that, that’s when I will think hard about
it,” dugang niya. Kon kahinumdoman, dihadiha gilayon human sa away, si Pacquiao midayag nga gusto siya nga makig rematch ni Horn.
Apan ang iyang asawa nga si Jinkee ug trainer Freddie Roach ang mitambag kaniya nga moundang na sa pamoksing human sa 22 ka mabungahon nga career diin siya
nakakulit og kasaysayan nga walo ka world division title.
Si Pacquiao, sa makadiyot, moretiro sa boxing sa niaging tuig aron pagtutok sa iyang pamolitika diin napili siya isip senador. Apan nibalik ra usab dayon siya niadtong Nobiyembre ug iyang gibuntog si Jessie Vargas nga nagpamatuod nga anaa gihapon siyay ikabuga.
Niadtong Lunes, mihulagway kang Horn nga dili maayong boksidor apan aduna kini kalig-on. Iyang gikuwestiyon ang desisyon sa referee nga si Mark Nelson.
“He’s not really good but he’s really strong. There is no problem with the style of Jeff Horn if he plays dirty, because there is a referee,” matod ni Pacquiao. “The problem here is that the referee, I don’t know if he did it deliberately or he just did not have experience, he just allowed it and did not even give any warning for how many times. It’s as if the referee wanted to help my opponent.”