Phil-Am Friendship Day?
GISAULOG nato karon ang Philippine American Friendship Day, samtang dakong kasaulogan didto sa Estados Unidos sa ilang pag-obserbar sa Adlaw sa kagawasan isip kabahin sa teritoryo sa British Empire niadtong 1776.
Dihay higayon nga Hulyo 4 ang kasaulogan sa adlaw sa kagawasan sa PIilipinas tungod kay kini ang adlaw nga giingong gitugotan kita sa atong kagawasan gikan sa America niadtong 1946. Apan giusab ngadto sa Hunyo 12, ang kagawasan gikan sa Espanya niadtong 1898.
Ang pag-usab sa kasaulogan sa Adlaw sa Kawasan gikan sa Hulyo 4 ngadto sa Hunyo 12 nagdala og daghang tanghaga. Nganong gipahaom sa unang kolonyalisyang Espanyol ug dili sa labing ulahing pagpanakop sa Amerika sa nasod? Kay nagpadayon gihapon kita nga ilang ulipon?
Ang gipatigbabaw nga Philippine-American Friendship Day angay natong lilion pag-ayo kon relasyon ba kini sa managhigala o relasyong uliponagalon. Makita nato kini diha sa kasabotan bahin sa ekonomiya, seguridad, pulitika ug uban pa.
Pananglitan, tungod sa globalisasyon, ang Amerika nag-awhag sa Pilipinas sa abli na sa ekonomiya subay sa kasabotan sa World Trade Organization (WTO) apan sila nagpabiling ‘ protectionist.’ Sa joint military exercises ug daghan pang dili patas nga kasabotan nga makakuwestiyon kon higala ba ang ilang pagtan-aw kanato.
Sumala pa, giila ang panaghigala sa duha ka nasod dihang nagkauban sa Ikaduhang Gubat sa Kalibotan batok sa mga Hapon. Apan ang Filipino naangin lang sa gubat nga wala siya masayod kon unsay hinungdan, kahakog ba sa bahandi ug gahom?